ஒத்திகைகள்


cover-story19

ஒத்திகைகள்

சத்யானந்தன்

தூக்கம் கலையாத

குழந்தையை அம்மா

சீருடை மாட்டி

பள்ளிக்கு இழுத்துப் போகிறாள்

 

நாளை

ஊடக அதிர்வுகள்

அடங்காமல்

சாலை நெருக்கடியில்

புகுந்து புறப்பட்டு

பணியிட பரப்பரப்பை

நோக்கி விரைய

இது ஒத்திகை

 

வேட்கை வேட்டை

துரத்தல் வீழ்த்தல் வழி

வெற்றிக்கு விதைகளாய்

கல்வி வளாக

அடக்குமுறை மிரட்டல் வசவு

தண்டனை

 

தேடும் போது வெளிப்படும் கூர் நகம்

ஒலியில்லாமல் கிழிக்காமல்

ஊடுருவி

உருக்குலைக்கும் நுண் ஆயுதம்

எது தான் சாத்தியமில்லை

இணைய வெளியில்?

 

மாலை மங்குகிறது

வீடு சேர்க்கும் ஊர்திக்காய்

காத்திருக்கும் பெண் குழந்தை

கவலையின்றி விளையாடும்

ஆண்பிள்ளைகளை அவதானிக்கிறாள்

மௌனமாய்

(7.2.2016 திண்ணை இதழில் வெளியானது)

(image courtesy:teacherplus.org)

Posted in கவிதை, திண்ணை | Tagged | Leave a comment

ஆப்பிரிக்க​ மாணவி மீது வன்முறை- தினமணி கண்டனக் கட்டுரை


download

ஆப்பிரிக்க​ மாணவி மீது வன்முறை- தினமணி கண்டனக் கட்டுரை

தினமணியில் எஸ்.ஸ்ரீதுரை கட்டுரைக்கான​ இணைப்பு ——— இது.
கடந்த​ வாரம் பங்களூருவில் ஒரு ஆப்பிரிக்க​ மாணவன் காரைத் தாறுமாறாக​ ஓட்டி ஒருவர் உயிரிழக்க​ வைத்து அங்கிருந்து விரைந்து விட்டார். யதேச்சையாக​ வந்த​ ஆப்பிரிக்க​ தான்சேனிய​ மாணவியை ஒரு கும்பல் மானபங்கம் செய்து அவர் காரைக் கொளுத்தியது நாம் கற்காலத் தை விட​ மோசமான​ குரூரங்களை மனதில் வைத் திருக்கிறோம் என்பதற்கு அடையாளம். காவல் துறையோ பொது மக்களோ அந்தப் பெண்ணுக்கு உதவாதது இனவெறியின் தெள் ளத் தெளிவான​ கோரமுகம். நம் குழந்தைகளில் லட்சக்கணக்கில் வெளி நாடுகளில் வேலை படிப்பு என​ இருக்கிறார்களே. அவர்களுக்கு ஒன்று இது போல​ நடந்தால் நம் மனது பதறாதா? தமிழ் நாட்டில் தினமணி கட்டுரை இதைச் சாடுவதுடன் கும்பல்களின் வன்முறையைக் கண்டிக்கிறது. வேறு எந்த​ ஒரு பெரிய​ கண்டனமும் வரவே இல்லை. நாம் பண்பாட்டில் வெகு தூரம் போக​ வேண்டும்.

 

(image courtesy:imamin.in)

Posted in நாட் குறிப்பு | Tagged | Leave a comment

ஒரு வயதுக் குழந்தையின் இசை ஞானம் – காணொளி


images

ஒரு வயதுக் குழந்தையின் இசை ஞானம் – காணொளி

நிறையவே வாட்ஸ் அப்பில் அதிபுத்திசாலிக் குழந்தைகள் காணொளிகளைக் காண்கிறோம். ஆனால் ராகங்களை ஒரு வயதுக் குழந்தை இனம் காண்பது மிகவும் வியப்பளிப்பதே. காணொளிக்கான இணைப்பு ————– இது.

அந்த வியப்பால் இதைப் பகிரவில்லை. இந்தக் குழந்தை ஒரு உதாரணமே. தவழும் வயதில் இருக்கும் ஒரு குழந்தை எந்த அளவு தாயை கவனித்து அவரின் சங்கீதத்தை உள்வாங்கி இருக்கிறது என்பதற்காகவே இதைப் பகிர்கிறேன்.

நல்லதை மட்டுமா குழந்தைகள் கவனிக்கிறார்கள். எல்லாவற்றையும் தான். நம்மை ஒரே நாளில் ஒரு குழந்தை பிறந்தவுடன் மாற்றிக் கொள்வது சாத்தியமா? முடியாது தான். ஆனால் குழந்தை மனதில் பதிய வேண்டிய நல்ல அம்சமங்களும் நம்மிடம் இருக்கும் அல்லவா? தொலைக்காட்சியில் அவர்களுக்குப் பயனுள்ளவை இருக்குமில்லையா? அவற்றுக்கு முன்னுரிமை கொடுக்கலாம். உறவு நட்பு அண்டை அயல் என அனைவரையும் கட்டுப்படுத்தவும் முடியாது. ஆனால் அவர்கள் செய்வதில் அவர்கள் குழந்தைகளிடம் பேசுவதில் அவர்கள் நடவடிக்கையில் எவை தவறானவை என்று வெளிப்படையாக எடுத்துச் சொல்லலாம்.

இந்தக் காணொளியில் தாயார் விளையாட்டாகவே குழந்தைக்கு இசைப் பரிச்சயம் செய்து வைக்கிறார். ஆனால் நாம் சமகாலப் பெற்றோரில் பலரும் தம் குழந்தைகள் பிற குழந்தைகளை விஞ்சும் அபூர்வத் திறன் உள்ளோராக உருவாக வேண்டும் என அவர்களைத் தாமே வதைப்பதையும் பார்க்கிறோம்.

குழந்தை வளர்ப்பு என்பது ஒரு தகப்பன் தாய்க்கு இயல்பாகவே வரும் என்பது நமது மூடநம்பிக்கைகளில் முதன்மையானது. உண்மையில் நாம் தவறான முன்னுதாரணமான வளர்ப்புக்களில் வளர்ந்தவர்கள். நம்மை நாமே சரியான வளர்ப்பு பற்றி பயிற்றுவித்துக் கொள்ள உளவியல் சமூகவியல் நிபுணர்களை நாடுவதே சரியானது.

பகிர்ந்து கொண்ட வாட்ஸ் அப் நண்பர்களுக்கு நன்றி.

Posted in காணொளி | Tagged | Leave a comment

பீப் பாடல் சர்ச்சையின் சமூக உளவியல் – சுரேஷ் கண்ணன் கட்டுரை


photo

பீப் பாடல் சர்ச்சையின் சமூக உளவியல் – சுரேஷ் கண்ணன் கட்டுரை

கட்டுரைகள் எழுதும் வேலையில் காலியிடங்கள் அதிகம் தான். சதாரணமாக ஒரு கட்டுரையைத் துவங்கி விட்டு எதை எதையோ தொட்டு விட்டு கட்டுரை எதற்காக எழுதினார் என் கிற கேள்வியை மட்டும் நம்மிடம் தெளிவாக விட்டு முடிப்பவர்கள் எண்ணிக்கை அதிகம்.

உயிர்மை பிப்ரவரி 2016 கட்டுரையில் சுரேஷ் கண்ணன் “பீப் பாடல் சர்ச்சை பாசாங்கு எதிர்ப்பின் உளவியல் என்னும் கட்டுரையில் ஆபாசம், பெண்கள் பற்றிய நமது ஆணாதிக்க அணுகுமுறை இவை எல்லாவற்றையுமே அந்த சர்ச்சையின் பின்னணியில் அலசுகிறார். அந்த சர்ச்சையின் வெவ்வேறு பரிமாணங்கள் வழி நம் சமூக உளவியல் பற்றிய புதிய அவதானிப்புக்களைக் கொள்கிறோம்.

சிம்பு தரப்பு வாதங்கள் மற்றும் விளக்கங்களை நாம் கண்ணை மூடிக் கொண்டு புறந்தள்ளக்கூடாது என வாதிடும் சுரேஷ் இப்படி ஒரு பாடலை தனது தனிப் பட்ட ஒன்றாக சிம்பு வைத்திருந்ததாக அவர் கூறுவதை ஏற்றாலும்., அது ஒரு சமகால இளைஞனின் ஆணாதிக்க நோக்கிலிருந்து வேறுபடுவதே இல்லை என்பதைச் சுட்டுகிறார். இந்த ஆணாதிக்க மன்ப்பான்மை இப்போது வணிகமாகிறது. விடலைகளும் இளைஞர்களுமே திரைப்படம் வெளியானது பார்த்துவிடத் துடிப்பவர்கள். எனவே இவர்களைக் குறி வைத்தே படங்கள் எடுக்கப் படுகின்றன. மேலை நாடுகள் போல வெவ்வேறு வயதினருக்கான படங்கள் எடுக்கபடுவதில்லை தமிழில். இருபாலார், அவர்களில் வெவ்வேறு வயது ரசிகர்கள் என அவர்களுக்குப் பிடித்தமான காட்சிகள் சேர்க்கப்படுகின்றன. விளைவு ஆபாசமான ஒன்று அரங்கேறி விடுகிறது. இந்த வணிகம் எளிதானதாய் இருக்கவில்லை பாலின் அடிப்படையில் உள்ள ஏற்றத் தாழ்வுகளை நிலையாக இருத்தி வைத்திருப்பதாக இருக்கின்றன. பாலின் அடிப்படையிலான பாரபட்சமான பார்வையை அணுகுமுறையை மாற்றும் ஆக்க பூர்வமான விவாதங்கள் தமிழில் இப்போது நிகழவே இல்லை.

எனவே நிகழ்ந்தெல்லாம் தர்ம அடிவாங்கும் ஒரு சிறிய திருடன் போல சிம்பு மேல் விழுந்தவை. பெரிய வணிக ஊடகங்கள் மற்றும் ஜாதி மத வெறி அமைப்புக்கள் ஆகிய பெரிய திருடர்கள் என்ன செய்கிறார்கள், அது பெண்களுக்கு எவ்வளவு எதிரான வேலை என்பவை விவாதத்திற்கே வருவதில்லை. காலகாலமாக ஊன்றிய ஊறிய ஆணாதிக்க மனப்பாங்கைத் தாண்டி சமூகம் செல்லும் சிந்தனைத் தடம் எதுவுமே இல்லை.

செறிவான கட்டுரையில் சுரேஷ் நாம் சிந்திக்க வற்புறுத்துகிறார்.

Posted in விமர்சனம் | Tagged | Leave a comment

ஜிகா வைரஸ் தமிழ் ஹிந்துவின் எச்சரிக்கை


stock-photo-mosquito-drinks-blood-out-of-man-mosquito-causing-dengue-fever-and-malaria-316741004

ஜிகா வைரஸ் தமிழ் ஹிந்துவின் எச்சரிக்கை

ஜிகா வைரஸ் பற்றி​ விரிவாக​ தமிழ் ஹிந்துவில் கு.கணேசன் எழுதிய கட்டுரைக்கான​ இணைப்பு —— இது.

அதன் இந்தப் பகுதி நமக்கும் உள்ளாட்சி அமைப்புகளுக்குமான​ எச்சரிக்கை. இன்று நாம் கொசுக்களை சகித்து வாழ்கிறோம். கொசுக்களே இல்லாமல் வாழ​ வேண்டும் ஜிகாவில் இருந்து நம்மை தற்காத்துக் கொள்ள​:

——————————————————–
இந்த நோயைப் பரப்புகிற ‘ஏடஸ் எஜிப்தி’ கொசுக்கள் இந்தியாவில் நீக்கமற நிறைந்துள்ளன. குறிப்பாக, தமிழகத்தில் இந்தக் கொசுக்கள் இல்லாத ஊரே இல்லை என்று சொல்லலாம். இவை டெங்குவைப் பரப்புகிற வேகத்தில் ஜிகாவையும் பரப்பினால் பெரிய ஆபத்து நேரும் என்று உலக சுகாதார நிறுவனமே எச்சரித்துள்ளது.
___________________________________________

(image courtesy:shutterstock.com)

Posted in நாட் குறிப்பு | Tagged , , , | Leave a comment

‘கலை’ந்தவை


download

‘கலை’ந்தவை

சத்யானந்தன்

தீற்றிய​ தெறிக்கப்பட்ட​

தோற்றமாய் வண்ணங்கள்

மறுமுறை காண​

புதிய​ தரிசனத்தில்

நவீன​ ஓவியம்

 

மாங்குயிலின் ஒரே சீழ்கை

மனதை வருடும்

ஒவ்வொரு நாள்

வெவ்வேறாய்

 

கொட்டும் மழை

பொருத்தும் இறந்த​ காலத்தின்

அரிய​ பக்கங்களில்

வேறொன்றை ஒவ்வொரு முறையும்

 

என்னைத் தவிர​

எத்தனை தேட​ இவருக்கென்று

சேணம் பூட்டாப் புரவியாய்

பயணங்கள்

 

வீட்டின் படிக்கட்டுகள்

அலுவலக​ நாற்காலி

பிடிப்பின் இறுக்கம்

அளவு குறையாத​ அன்றாடம்

 

ஜலதரங்க​ மேதையின்

முன்னே

குறைவாய் நிறைந்தே

இசைக்கும்

வேவ்வேறு அளவுக் கிண்ணங்கள்

(image courtesy: india-artists.com)

((31.1.2016 திண் ணை இதழில் வெளியானது))

Posted in கவிதை, திண்ணை | Tagged | Leave a comment

குண்டான​, ஆளுமைத் திறன்களற்ற​ குழந்தைகளை நாம் வளர்க்கிறோமா?


stock-vector-fatty-theme-elements-353778164

குண்டான​, ஆளுமைத் திறன்களற்ற​ குழந்தைகளை நாம் வளர்க்கிறோமா?

சமதர்மன் தினமணி கட்டுரையில் குழந்தை வளர்ப்பு பற்றி விரிவான​ கட்டுரை எழுதியிருக்கிறார். அதன் இணைப்பு ———– இது.

சமகாலப் பெற்றோர் மற்றும் குழந்தைகள் எதிர்கொள்ளும் சவால்கள் மின்னணு சாதனங்கள் மற்றும் ஊடகங்கள் தொடர்பானவையே பெரிதும். குழந்தை வளர்ப்பில் மேலதிக​ கவனமும் எச்சரிக்கையும் தேவை இப்போது. கட்டுரை இதை நன்றாகவே விவாதிக்கிறது. கட்டுரை பதின்கள் வரை குழந்தை வளர்ப்புக்குத் தேவையானவற்றை சரியாகவே குறிப்பிடுகிறது. பதின்களில் எப்படி வளர்ப்பது என்பது அந்தக் காலத்தில் சரியாகப் புரிந்து கொள்ளப் படவில்லை. இக்காலப் பெற்றோர் உளவியல் வல்லுனர் மற்றும் மாணவர்களுக்கு நட்பான​ ஆசிரியர் வழியே மட்டுமே அதைக் கற்க​ இயலும். முன்னாட்களில் பதின்வயதுக் குழந்தைகள் மனத்தை முடமாக்கும் வேலை மட்டுமே நடந்தது.

(image courtesy:shutterstock.com)

Posted in நாலடியார் | Tagged , | Leave a comment

தகழியின் மூன்று சிறுகதைகள்


SivasankaraPillai_Thakazhi

தகழியின் மூன்று சிறுகதைகள்

ஜனவரி 2016 ‘இனிய உதயம்’ இதழில் தகழியின் மூன்று சிறுகதைகளை சுரா மொழிபெயர்த்திருக்கிறார். மூன்றில் இரண்டு வறுமை மனிதர்களை என்னவெல்லாம் ஆக்க முடியும் என்பது. மூன்றாவது கதை நிலத்தின் மீது மனிதன் காட்டும் பற்று மையமானது.

‘பொன்னம்மாவின் புடவை’ ஒரு ஏழைப் பெண் நல்ல புடவைக்கு ஆசையே பட முடியாது என்கிறது. பொன்னமாள் பரம ஏழைக் குடும்பத்தைச் சேர்ந்தவள். அவளுடைய அப்பாவால் அவளுக்கு ஒரு நல்ல புடவையை வாங்கித் தர முடியவில்லை. அவள் விரும்பியது பட்டுப் புடவையா என்பது கதையில் தெளிவாக இல்லை. ஆனால் அது விலையுயர்ந்த புடவை தான். அவளுக்கு வரும் கணவன் ஒரு சமையற்காரர். அவனால் திருவனந்தபுரத்தில் விலை கொடுத்து புதிய புடவை வாங்க முடியாடததால் அவளது தீவிர விருப்பத்துக்காக ஒரு சலவைக்காரரிடமிருந்து பழைய விலைமதிப்பான புடவையைத் திருடி வந்து விடுகிறான். அவள் மகிழத்துவங்கிய சில மணி நேரத்தில் காவல் துறை அவனைப்பின் தொடர்ந்து வருகிறது. அவர்களுக்கு லஞ்சமாக அவளுடைய அப்பா பெரிய தொகையைக் கொடுக்கிறார். ஏழ்மை எந்த அளவு கொடியது , விளிம்பு நிலை மனிதர்களின் வாழ்க்கை எவ்வளவு வெறுமை மிகுந்தது என்பதை தகழி நம் முன் கொண்டு வந்து நிறுத்துகிறார். பொன்னமாவின் கனவு நமக்கு விபரீதமானதாகப் படவில்லை. அது மறுக்கப்பட்டிருக்கும் கட்டமைப்பு நம்மை வருத்தம் கொள்ள வைக்கிறது. இது தகழியின் வெற்றி.

“வாழ்க்கைப் போட்டி” என்னும் கதை வித்தியாசமானது. மூத்தவள் மகள் பின்னர் ஒரு மகன் பின்னர் இரண்டு மகள்களான குடும்பத் தலைவி விதவையுமாவார். தம் சேமிப்பு எல்லாவற்றையும் வைத்து ஒரு முதல் மகளைத் திருமணம் செய்து அனுப்புகிறாள். வரதட்சணையை வைத்து மாப்பிள்ளை நிலம் வீடு என வாங்கினாலும் சிறிய வேலைகளில் மட்டுமே வருமானம். ஆரம்பத்தில் கொஞ்ச வருமானம் வர அதை அந்த மகள் தனது பிறந்த வீட்டுடன் பகிர்ந்து கொள்கிறாள். ஆனால் காலப் போக்கில் வேலை வாய்ப்பில்லாமல் அவள் குடும்பம் குழந்தைகள் சாப்பாடுக்கே கஷ்டப்படும் நிலை. மாறாக இந்தப்பக்கம் அவளது தம்பி வேலைக்குப் போய் குடும்பம் மிகவும் வளமாகி உயர்நிலைக்குப் போய் விடுகிறது. அவளையும் அவளது குழந்தைகளையும் ஒன்றாகத் தங்க வைத்துக் கொண்டால் அவர்களுக்கு நாகரிகமும் நாசூக்கும் இல்லை என்னுமளவு. மூத்த தங்கைகுத் திருமணம் செய்யும் போது இவர்களால் தமது அந்தஸ்து குலையும் என்று அவள் இறந்ததாக யூகிக்க விட்டு விடுகிறார்கள். அந்தப் பெண் வறுமையிற் செம்மையாய் கணவனுடன் வாழுகிறாள்.

இரண்டு கதைகளுமே நீண்ட காலத்தை சிறுகதையில் தருபவை. வறுமை என்பது எந்த அளவு முடக்கி ஒடுக்குவது என்பதை நமக்குத் துல்லியமாக உணர்த்துபவை.

மூன்றாவது கதை ‘மரணத்திற்குப் பிறகு’ மிகவும் சிறியது. ஒரு தம்பதி இருவர் மட்டும் இருக்கும் வீட்டின் கணவர் காலமாக பக்கத்து வீட்டுக்காரர் அவர்கள் வீட்டு மாமரத்தை வெட்டி அந்த விறகை தகனத்துக்குக் கொடுத்து அது இருந்த நிலத்தை அபகரிக்க முயல்கிறார். வழக்கு நீதிமன்றம் செல்கிறது. சிறிய நிலம் கூட மனிதனுக்கு எந்த அளவு பித்தானது என்பதை கதை முன்னிறுத்துகிறது.

தகழியின் காலத்தில் இந்தக் கதைகள் அந்தக் காலப் படைப்புக்களிலிருந்து முன் சென்றவை. மானுட வாழ்க்கையின் ஆழ்ந்த தரிசனம் உள்ளவை. .

Posted in விமர்சனம் | Tagged | Leave a comment

பெண் உலகம் பற்றி ஒரு புரிதல் -நைஜீரிய எழுத்தாளர் சிமமாண்டா நகோஜி அடிச்சி


Authors by Ulf Andersen - Chimamanda Ngozi Adichie

PARIS;FRANCE – SEPTEMBER 28: Nigerian writer Chimamanda Ngozi Adichie poses on the 28th of September 2008 while attending the Book Fair America in Paris,France. (Photo by Ulf Andersen/Getty Images)

பெண் உலகம் பற்றி ஒரு புரிதல் -நைஜீரிய எழுத்தாளர் சிமமாண்டா நகோஜி அடிச்சி (Chimamanda Ngozi Adichie)

ஆண் பெண் இரு வேறு உலகங்கள் என்பது கால காலமாக நிலைத்து விட்ட ஒன்று. அது இயல்பானதுமே. அதில் தவறொன்றுமில்லை. ஆனால் குறைந்த பட்சப் புரிதல் ஒருவர் உலகை பற்றி இன்னொருவருக்குத் தேவை. அன்பில் பிணைய, புண்படுத்தாமல் இருக்க, சேர்ந்து பணியாற்ற, பரஸ்பரம் உற்ற துணையாய் நிற்க எனக் காரணங்களை அடுக்கிக் கொண்டே போகலாம்.

நாம் காண்பது என்ன? பெண்ணுக்கு ஆணின் உலகைப் புரிந்து கொள்வதில் அக்கறை அதிகமாக இருக்கிறது. அதற்குக் கட்டாயம் மட்டுமே காரணம். இல்லையேல் அந்தப் பெண் உணர்வு பூர்வமாகக் குடும்பத்துக்குள்ளும் நிராகரிப்பும் கொச்சைப்படுத்தப் படுதலுமென சமூகத்துக்குள்ளும் தாக்குதலுக்கு ஆளாவாள்.

அடிச்சி சமகால நைஜீரிய எழுத்தாளர். Purple Hibiscus, Half of a yellow sun, Americana ஆகிய இவருடைய நாவல்கள் மிகவும் புகழ் பெற்றவை. பெண்ணாயிருப்பது என்பது என்ன அதன் வலியும் அவள் மீதான வன்முறைகளும் எத்தகையவை என்பதை ஒரு சொற்பொழிவில் நமக்குப் புரிய வைக்கிறார். நகைச்சுவையும் நுட்பமாக வெளிப்படும் அறச்சீற்றமுமான அந்த உரைக்கான இணைப்பு — இது.

உயர்பதவிகளில் இன்றைய நிலவரம் கூடப் பெண்கள் மிகவும் குறைவானோரே. உண்மையில் யார் தலைமை ஏற்று வழி நடத்த முடியும்? அதை அவர் ஆண்பால் அல்லது பெண்பால் என்னும் பால் அடிப்படையில் முடிவு செய்ய இயலுமா? தனது குழுவை சகபணியாளர்களை வழி நடத்தக் கூடியவர், கற்பனை வளமும், புதிய இலக்குகளை எட்டும் உற்சாகமும் உடையவர் என்பதே அடிப்படையாக இருக்க முடியும். இன்றைய சிந்தனை அவ்வழியிலேயே செல்வது. ஆனால் நாம் இன்னும் பெண்கள் தலைமை ஏற்கும் ஒரு சூழலை உருவாக்கவே இல்லை. அடிச்சி நாம் பெண்களை குழந்தைப்பருவத்திலிருந்தே எப்படி நடத்துகிறோம் என்பதைச் சுட்டிக் காட்டுகிறார்.

இன்றைய சூழலில் நாம் அனைவருமே பெண்ணியவாதிகளாக மாற வேண்டும் என்று அழுத்தம் திருத்தமாகக் கூறுகிறார். பெண்ணியம் பேசுவது மேற்கத்திய சிந்தனை என்னும் அணுகுமுறையைக் கண்டிக்கிறார். திருமணத்துக்கு முன் ஒரு பெண் எப்படி நடந்து கொள்ளவேண்டும் என்பதற்கு நாம் தரும் முக்கியத்துவம் அவளுக்குத் தரும் போதனைகள் ஏன் ஒரு இளைஞனுக்கு நாம் தருவதே இல்லை என்னும் கேள்வியை அவர் எழுப்புகிறார். நைஜீரியாவில் ஒரு பல்கலைக்கழகத்தில் ஒரு பெண் பாலியல் வன்முறைக்கு ஆளாகிறாள். அந்த மாணவி ஏன் நான்கு இளைஞர்களுடன் தனியான சூழலில் இருந்தார் என்பதே கேள்வியானது. எவ்வளவு வசதியான கேள்வி. ஒருதலைப்பட்சமானதும் ஆணாதிக்கமானதுமான சிந்தனைக்கு சரியான எடுத்துக் காட்டு.

அடிச்சி குறிப்பிடும் சிந்தனைப் போக்கு மற்றும் பெண்களுக்கு எதிரான சமூகச் சூழலை நாம் இந்தியாவிலும் காண்பது உலக அளவில் ஒரு சிந்தனை மாற்றம் இன்னும் நிகழாமலேயே இருக்கிறது என்பதைத் தெளிவாக்குகிறது.

பால் அடிப்படையான சிந்தனை நம் இயல்பு வாழ்க்கையை பாதிக்கிறது என்பதை இப்படி எடுத்துக் காட்டுகிறார். ஒரு உணவகத்தில் சாப்பிடப் போனோம் என்றால் (அதாவது ஒரு ஆணும் பெண்ணும் அது என்றால்) பணம் தர முன் வருவது ஆண் தான். நைஜீரியாவில் ஒரு நல்ல தங்குமிடத்தில் அதாவது ‘லாட்ஜில்’ ஒரு பெண் தனியாகப் போனால் அவர் பாலியல் தொழிலாளியாகவே கருதப்படுவார். எந்த அளவு பால் அடிப்படையில் சிந்தனை கீழ்த்தரமாயிருக்கிறது.

ஆதி காலத்தில் வேட்டையே பெரிய வேலை. தப்பிக்க ஓட , விலங்கினத்தில் இருந்து பிற குழுக்களிடமிருந்து தப்பிக்க ஆணின் வலிமை ஆதாரமாயிருந்தது. அப்படித் தொடங்கிய ஆணாதிக்கம் ஏன் இப்படி இந்த நாகரிக காலகட்டத்திலும் தொடர வேண்டும்? இதன் மறுபக்கம் ஆண் எப்போதும் பெண்ணைப் பாதுகாப்பவன் என்னும் வேலையை அவனே தன் மேல் ஏற்றிக் கொண்டு தடுமாறுகிறான். பெண் குடும்பமாக வாழ விரும்புகிறேன் என்பதற்கு உன் பாதுகாப்பில் தான் வாழ்வேன் என்பதா பொருள்?

இவைகள் அடிப்படையான கேள்விகள். எளிமையாகத் தோன்றும் ஆழ்ந்த கேள்விகள். நாம் பாராமுகமாயிருந்த கேள்விகள். அடிச்சி நமக்கு நினைவூட்டுகிறார். நாம் பெண்ணடிமைச் சமுதாயத்தின் பழகிய வழியில் மிகவும் சந்தோஷமாகப் பயணப்படுகிறோம்.

(பதிவுகள் 27.1.2016 இதழில் வெளியானது)

Posted in விமர்சனம் | Tagged | Leave a comment

காந்தியடிகள் அம்பேத்கர் வேறுபட்ட​ புள்ளி- சமஸ் கட்டுரை


download
காந்தியடிகள் அம்பேத்கர் வேறுபட்ட​ புள்ளி- சமஸ் கட்டுரை

கட்டுரைக்கான​ இணைப்பு ————– இது.

காந்தி துணையின்றி சமூக விடுதலை சாத்தியமா? என்ற​ சமஸ் கட்டுரை, சமூகநீதியில் காந்தியடிகள் மற்றும் டாக்டர் அம்பேத்கர் இருவருடைய​ அணுகுமுறை எந்தப் புள்ளியில் மாறுபட்டது என்பதை விவாதிக்கிறது. இந்த​ விவாதம் சிறு பத்திரிக்கைகள் மற்றும் இணைய​ தளங்களில் விரிவாக​ வந்தவையே. புனா ஒப்பந்தம் எனப்படும் ‘தலித்துகள் மட்டுமே ஓட்டளிக்கும் தனி பிரதிநித்துவ​ முறை’ அம்பேத்கரால் முன்வைக்கப்பட்டு காந்தியடிகளால் ஏற்றுக் கொள்ளப் படாத புள்ளி ஒன்றையே மையமாக​ வைத்து ‘காந்தி தலித் விரோதி’ என​ முத்திரை குத்தும் முயற்சிகள் பல​ நடந்தன​. கட்டுரையின் பின் வரும் பகுதி அந்தச் சூழலை விவரிக்கிறது.
————————————————-
கொடிக்கால் ஐயா சொல்வார், “ஆங்கிலேயர் கொடுக்க முன்வந்த அந்த இரட்டை வாக்குரிமை தலித்துகள் எல்லோருக்குமானது அல்ல. படித்தவர்களுக்கும் நிலவுடைமை உடையவர்களுக்கும் மட்டுமானது. ஆகையால், அது எப்படிப்பட்ட விளைவுகளை உண்டாக்கியிருக்கும் என்பதை இன்றைக்கு உத்தரவாதமாகப் பேச முடியாது. தவிர, அன்றைக்கு அம்பேத்கர் கோரியபடி தலித்துகள் மட்டுமே ஓட்டுப் போட்டு தங்களுடைய பிரதிநிதியைத் தேர்ந்தெடுக்கும்படி வந்திருந்தால், ஒரு பெரும் இனப்படுகொலையையும் இந்தியா சந்தித்திருக்கும். வயது வந்தோர் அனைவருக்குமான வாக்குரிமையின் கீழ், தலித்துகளுக்கு என்று தனித் தொகுதிகளில், இன்றைக்கு இருப்பதுபோல எல்லா மக்களும் ஓட்டுப்போட்டு தேர்ந்தெடுக்கும் முறைப்படி தலித் பிரதிநிதிகள் தேர்ந்தெடுக்கப்படுவதே, சமூகங்கள் தமக்குள் நெகிழ்ந்து வரவும் ஊடாடவும் வழிவகுக்கும். ஒரு ஐம்பது ஆண்டுகளுக்கு முன்புவரைகூட நம்முடைய கிராமங்கள் எவ்வளவு கொந்தளிப்பாக இருந்தன என்பது இன்றைய தலைமுறையினருக்குத் தெரியாது. அரைப்படி நெல் அதிகம் கேட்டுப் போராடினார்கள் என்பதற்காக கூட்டமாக வைத்து 44 பேர் கொளுத்தப்பட்டார்களய்யா, இதே தமிழ்நாட்டில்..” இதைச் சொல்லும்போதெல்லாம் கொடிக்கால் ஐயா கண்ணீர் வடிப்பார்.

காந்தியம், அம்பேத்கரியம் இரண்டையும் சரிவிகிதத்தில் ஏற்றுக்கொண்டவர் கொடிக்கால். அம்பேத்கர் வழியைப் பின்பற்றியே கொடிக்கால் செல்லப்பாவாக இருந்தவர் கொடிக்கால் ஷேக் அப்துல்லாவாக மாறினார். அவரே இன்றைக்கு, “பொதுச் சமூகத்துடனான உறவாடலிலேயே எந்த ஒரு சமூகத்தின் முன்னேற்றமும் இருக்கிறது” என்பதைச் சொல்பவராகவும் இருக்கிறார்.

பூனா ஒப்பந்தத்தை ஆதரித்து நடைபெற்ற பம்பாய் மாநாட்டில் அம்பேத்கர் பேசியது இது: “சமரசப் பேச்சுவார்த்தைகள் மகாத்மா காந்தியால்தான் வெற்றி பெற்றன… வட்ட மேஜை மாநாட்டில் எனக்கு எதிரான நிலையெடுத்தவர் இங்கே என் உதவிக்கு வந்தார்; மாற்றுத் தரப்புக்கு அல்ல. தாழ்த்தப்பட்ட பிரிவினர் எல்லோரும் இந்த உடன்பாட்டை ஆதரிக்கிறார்களா என்ற கேள்வியைப் பத்திரிகைகள் எழுப்புகின்றன. என்னைப் பொறுத்தவரை, என் தலைமையிலுள்ள கட்சியைப் பொறுத்தவரை நாங்கள் இந்த ஒப்பந்தத்தை ஆதரிக்கிறோம். இங்கு வந்திருக்கும் என் நண்பர்கள் ஒவ்வொருவர் சார்பிலும் ஒப்பந்தத்துக்கான ஆதரவை அறிவிக்கிறேன்.”
————————————————–

காந்தியடிகள் அம்பேத்கர் இருவருமே உயரிய​ சமூகப் பொறுப்புணர்வு மற்றும் அரசியல் நாகரிகத்துடன் செயல் பட்டவர்கள். சமூக​ நீதியை அரசியல் முன்னேற்றத் துக்கான​ படிக்கல்லாய்ப் பயன்படுத்தாதவர்கள். இன்று நிலை தலைகீழ். தொடர் விவாதங்கள் மூலமே அந்த​ மாபெரும் தலைவர்களின் மகத்தான கனவுகள் தலைமுறைகள் பலருக்கும் சென்று சேரும்.

(image courtesy:Bhavans.info)

Posted in நாட் குறிப்பு | Tagged | Leave a comment