இயற்கை நுண்ணுணர்வை வெளிப்படுத்துகிறது


download

இயற்கை நுண்ணுணர்வை வெளிப்படுத்துகிறது

தீராநதி ஏப்ரல் 2014 இதழில் எஸ். ராமகிருஷ்ணன் “இயற்கையில் விசித்திரங்கள்” என்னும் கட்டுரையில் சில நுட்பமான இயற்கை நிகழ்வுகளை நம்முடன் பகிர்ந்து கொள்கிறார். இங்கே இயற்கையின் நாம் தாவரங்கள் விலங்குகள் இரண்டையும் காண்கிறோம்:

1.ஒர் யானை ஒரு புகைப்படக் கலைஞரை மூர்க்கமாகத் துரத்தியது அவர் தடுமாறி விழுந்த போது அது மிகவும் அருகில் வந்தே விட்டது. இன்னும் சில நொடிகளில் தாம் சாகப் போகிறோம் என்று அவர் முடிவே செய்து விட்டார். ஆனால் யானை அவரைக் கூர்ந்து பார்த்து விட்டுச் சென்று விட்டது.

2.எஸ்.ராமகிருஷ்ணன் கிராமத்தில் ஒரு முறை பருத்தி எல்லா நிலங்களிலும் பூச்சியால் பாதிக்கப் பட்டது. ஒரே ஒருவரின் சிறிய அளவு நிலத்தில் மட்டும் பூச்சியே வரவில்லை.

3. லுட் விக் என்னும் எழுத்தாளர் நைல் நதிக்கரையில் ஒரு மரத்தில் முறிந்து மிகவும் இம்மியளவே ஒட்டிக் கொண்டிருந்த கிளை 50 ஆண்டுக்கும் மேல் விழாமல் இருந்ததைப் பதிவு செய்கிறார்.

4.ஸ்வீடிஷ் நாவலாசிரியை செல்மா லாகர்லேவ் ‘தேவ மலர்” என்னும் கதையை எழுதியிருக்கிறார். ஒரு திருடன் காட்டில் ஒளிந்து அப்பக்கம் வருவோரைக் கொள்ளையடித்து வாழ்பவன். அவனைக் கைது செய்ய எல்லா ஏற்பாடுகளும் தயார். மறுபக்கம் ஒரு நாள் அந்த ஊர் பாதிரியாருடன் பேசும் போது அவரது மலர்த் தோட்டத்தை விட அதிசய மலர் பூக்கும் தோட்டம் தன் காட்டில் உள்ளது என்று திருடனின் மனைவி கூறுகிறாள். அந்த மலரைத் தேடிச் செல்லும் பாதிரியார் சென்ற தினம் மலர்களே பூக்கவில்லை ஒரு கிழங்கு ஒன்றே அந்தக் காட்டில் அவருக்குக் கிடைக்கிறது. அதைக் கையில் வைத்த படியே அவர் மரணமடைகிறார். அந்தக் கிழங்கை சர்ச்சில் மண்ணில் புதைக்க ஒரு செடி வருகிறது. அதில் அபூர்வமான அந்த மலர் பூக்கிறது. ஆனால் மலர் காட்டில் பூக்கவே இல்லை. திருடனைத் திருந்த வலியுறுத்தி பாதிரியாரின் நினைவாக அரசு மன்னிப்பு வழங்குகிறது.

இயற்கையின் பொறுமையை நகர வாழ்க்கையில் காணலாம். நாம் சென்னை போன்று 24 மணி நேரமும் வாகன நெரிசல் உள்ள சாலையில் நடுவே அரையடி மண்ணுள்ள தடுப்பில் கூட செடிகள் வளருவதைக் காண்கிறோம். இயற்கைக்குத்தான் எத்தனை பரிவு.

இயற்கை கண்டிப்பாக நம் மீது பரிவு காட்டுகிறது. இதில் ஐயமே இல்லை. பல ஆயிரம் ஆண்டுகளாக மனித இனம் தன்னை அழித்ததற்கு இயற்கை பழிக்குப் பழி வாங்கி இருந்தால் இன்று மனித இனமே இருந்திருக்காது.

தேவதச்சனின் ஒரு கவிதையை எஸ்.ரா. நம்முடன் பகிர்ந்து கொள்கிறார்:

பரிசு

என் கையில் இருந்த பரிசை
பிரிக்கவில்லை. பிரித்தால்
மகிழ்ச்சி அவிழ்ந்துவிடும் போல்
இருக்கிறது’
என் அருகில் இருந்தவன் அவசரமாய்
அவன் பரிசைப் பிரித்தான். பிரிக்காமல்
மகிழ்ச்சியை எப்படி இரட்டிப்பாக்க
முடியும்
பரிசு அளித்தவனோடு
விருந்துண்ண அமர்ந்தோம்
கண்ணாடி டம்ளரில்
ஒரு சொட்டு
தண்ணீரில்
மூழ்கியிருந்தன ஆயிரம் சொடுகள்

இயற்கையின் இயல்பை ஒட்டி நாம் வாழ்ந்தால் அதாவது இயற்கை குரூரமாக வேட்டையாடுவதை நிறுத்தினால் இயற்கையால் ஒரு சொட்டு நீரை ஆயிரம் சொட்டாக்க முடியும் ஒரு மரம் பெருகிப் பெரிய காடாகும்.

இயற்கையின் மீது நாம் காட்டும் குரூரத்தை சரியாக நம் மனதில் தைக்கும் படி பதிவு செய்த ஒரே படம் ‘அவ்தார்’. என்னுடைய கருத்தில் சினிமா என்னும் ஊடகம் கண்டுபிடிக்கப் பட்டு இது நாள் வரை வெளியான படங்களில் ஆகச் சிறந்தது ‘அவ்தார்’ மட்டுமே. இயற்கை நம் சகஜீவி. இன்னும் சரியாகச் சொல்ல வேண்டுமென்றால் ஒரு கங்காரு போலத் தன் மடியில் குட்டிகளைப் போல நம்மை வைத்து சுமக்கும் தாய். நாம் சிறுகச் சிறுக நம்மைக் காக்கும் தாயின் அழிவுக்கு வழி வகுத்துக் கொண்டிருக்கிறோம்.

எஸ்.ராமகிருஷ்ணனின் ஆழ்ந்த நோக்குள்ள இந்தக் கட்டுரை நமக்கு ஒரு புதிய சிந்தனைக் கோணத்தைத் தருவது. அவருக்கு நன்றி.

(image courtesy: wiki)

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in தனிக் கட்டுரை and tagged , , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s