ஆண் மழை- எஸ்.ராமகிருஷ்ணனின் க(வி)தை


images
ஆண் மழை- எஸ்.ராமகிருஷ்ணனின் க(வி)தை-

” ஆண் மழை ” என்னும் கற்பனைக்காகவே முதலில் எஸ்.ராவுக்குப் பாராட்டு. அது என்ன ஆண் மழை? சீராகப் பெய்யாமல் தாறுமாறாகப் பெய்வதே ஆண் மழை. அமெரிக்காவில் இருக்கும் ஒரு இளம் தமிழ் தம்பதியில் மனைவி சொல்லும் விளக்கம் இது. மழையை எஸ்.ரா. மிகவும் வித்தியாசமான கோணங்களில் காண்கிறார். மழை ஆணுக்கோ பெண்ணை நெருக்கமாகக் காட்டுகிறது. அவளுக்கோ அவனை அன்னியமாகக் காட்டுகிறது. மழை நம் உறவுகளுடன் நாம் பொழுதைக் கழிக்க உதவுகிறது. நம் மனதைத் திறக்கிறது. இசையோ அல்லது மனம் விட்டுப் பேசுவதோ சாத்தியமாகிறது. பல நினைவுகளை நாம் மீண்டும் அருகில் காண்கிறோம். குறிப்பாக பெற்றோர் பற்றிய நினைவு நிறையவே வருகிறது.

இப்படி மழையுடன் நம்மைத் தொடர்பு படுத்திப் பல நினைவுகள் உண்டு ராமகிருஷ்ணனுக்கு. மழையின் அளவு எந்தெந்த நாட்களில் எவ்வாறு இருந்தது என்பதை ஒரு சாதாரண மனிதன் பருவநிலையை ஆராயும் வானிலை மையத்துக்கு இணையாக மெனக்கெட்டு அளக்கிறான். ஒரே அளவு பெய்த நாட்களுள் ஒரு ஒற்றுமை உண்டா? மழை பெய்வதற்கும் நம் வாழ்க்கைக்கும் தொடர்பு ஏதேனும் உண்டா என்று அவன் வியக்கிறான். உண்மையில் இதை அவன் தன் அப்பாவிடமிருந்து எடுத்துக் கொண்ட ஒரே பழக்கமாகத் தொடர்கிறான்.

இந்தியாவில் இருக்கும் அவரிடம் ஒரு நாள் இறுதியாக அவன் மின்னஞ்சலில் அவரைப் போலவே தானும் மழையை அளப்பதாகவும் அவர் அதற்காகப் பல காலமாக உபயோகிக்கும் கையேட்டைத் தர முடியுமா என்றும் கேட்கிறான். அவருக்கு அது வியப்பளிப்பதானதே. அவர் தன் மரணத்துடன் தன்னுடன் அந்தக் கையேடு வரட்டும் என்று பதில் தந்து, துன்ப அதிர்ச்சி தருவதாக அவனது அம்மாவைத் தவிர கேரளாவில் தனக்கு ஒரு மனைவி உண்டு என்பதையும் இரண்டு குழந்தைகளும் உண்டு என்பதையும் மின்னஞ்சலில் தெரிவிக்கிறார். அவனிடம் இருக்கும் மழைமானி தனது பேரப்பிள்ளைகளிடம் போக வேண்டும் என்னும் விருப்பத்தையும் அவர் வெளிப்படுத்துகிறார். ரயில்வே ஸ்டேஷன் மாஸ்டராகப் பல இடங்களில் தான் அனுபவித்த தனிமைக்கு மழையே துணையாயிருந்தது என்று அப்பா அவனுக்கு எழுதுகிறார்.

அவனுக்கு அவரது இந்தப் பக்கம் மிகுந்த ஆத்திரத்தைத் தருகிறது. ஆனால் அவன் மனைவியோ “அம்மா இதை எனக்கு முன்பே கூறி விட்டார். உங்களுக்குத்தான் இது செய்தி. எல்லாவற்றையும் ஏற்றுக் கொள்ள மழை நமக்குக் கற்றுத் தருகிறது” என்கிறாள் அவனது மனைவி.

எஸ்.ராவின் கதை சொல்லும் முறையில் இந்தக் கதை ஒரு மைல் கல். கதை கவிதையின் அனுபவத்தை நமக்குக் கண்டிப்பாகத் தருகிறது. அதே சமயம் அப்பாவின் உபகதை இது ஒரு குறுநாவலாக வந்திருந்தால் மட்டுமே பொருத்தமாக இருந்திருக்கும்.

ஏனெனில் அந்த உபகதை வரும் முன் கதை மிகுந்த உயரத்தில் நம்மை இட்டுச் சென்று நம்மிடம் கவித்துமாக உரையாடுகிறது. உபகதையை இவ்வளவு திட்டவட்டமாக கூறாமல் விட்டிருந்தாலும் அந்த அனுபவம் பிசகாமல் நம்முள் நிறைந்திருக்கும்.

எவ்வாறாயினும் கதை சொல்லுவதில் நாம் மிகுந்த உயிர்த்துடிப்பையும் மறுபக்கம் ஒரு ஆழ்ந்த தரிசனத்தையும் காண்கிறோம். எஸ்.ராவுக்கும் உயிர்மை இதழுக்கும் நன்றி.

(image courtesy: photobucket.com)

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in விமர்சனம் and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s