புகைப்படக் கலையின் பொற்காலம்


புகைப்படக் கலையின் பொற்காலம்

கடந்த இருபது ஆண்டுகளை அதுவும் குறிப்பாகக் கடந்த பத்தாண்டுகளை புகைப்படக் கலையில் பொற்காலம் என்றே நாம் கூற வேண்டும். தொழில் நுட்பம் வளர்ந்ததே முக்கிய காரணம்.

முதலில் கலை என்றால் என்ன என்பது பற்றிய தெளிவு எனக்கு இருக்கிறதா என்று பார்ப்போம். ஒரு கேள்விக் குறி இருக்கிறது. கேலிச் சித்திரம் வரைபவர் நினைத்தால் அது காதாக மாறும். காந்தியடிகளாக மாறலாம். ஒரு முகத்தின் பக்கவாட்டுத் தோற்றமாகலாம். சுமையைத் தூக்க முடியாமல் திணறும் ஒரு தொழிலாளியின் மேலே உள்ள பெரிய சுமையாக மாறலாம். இப்படிப் பல கேலிச் சித்திரங்களை நாம் ரசிக்கிறோம். அப்படி வரைவது ஒரு பெரிய கலை. அதாவது கற்பனையால் ஒரு கேள்விக் குறியைப் பல வடிவங்களில் பல பொருளுணர்த்துவதாக உருவாக்கும் கற்பனை அடிப்படையாகிறது. கற்பனையைத் தவிர அதைப் பகிரும் ஆர்வம் அதுவும் கலையின் மற்றொரு பக்கம் இல்லையா. இதற்கெல்லாம் மேல் அது ஒரு எண்ணத்தைப் பகிர்கிறது. அது வருத்தமான அல்லது புதிரான பகிர்வாக இருக்கலாம். அது பார்வையாளனுக்கு போதனை ஏதும் சொல்லாமல் ஒரு பகிர்தலால் அவனது ரசனைக்கு விருந்தாக அமைகிறது. அல்லது சிந்தனையைத் தூண்டுகிறது. வணிக நோக்குடன் அவனை சில்லறையான அல்லது மட்டமான ரசனைக்கு இழுக்காமல் கலையாகவே நிற்கிறது. தரமான படைப்பாகவே நிமிர்ந்து நிற்கியது. மேலும் பலர் ரசிக்கவும் அந்தத் துறையில் ஒரு கலைஞராக உருவாகவும் ஈர்க்கிறது. இந்த அம்சங்கள் உள்ளவற்றையே நாம் கலை என்று குறிப்பிடலாம்.

ஏன் இந்த அளவு கலை பற்றி ஒரு சுயவிளக்கம் என்றால் சினிமா வியாபாரத்தில் உள்ள எல்லோருமே தங்களையும் பிற பணியாளர்கள் அல்லது வியாபாரிகள் எல்லோரையுமே கலைஞர்கள் என்று குறிப்பிட்டுக் கொள்வதால் கலை என்றால் மிக மட்டமான மலிந்த ஒன்று ஆகி விட்டது.

மறுபடி புகைப்படக் கலைக்கு வருவோம். புகைப்படக் கலையை தொழில் நுட்பம் தூக்கி விட்டது. ஒரு காலத்தில் புகைப்படக் காமிரா, பிலிம் மற்றும் அதை புகைப்படமாக்கும் ஸ்டூடியோ எல்லாமே அதிக செலவு பிடிப்பவை. எண்ணிக்கையில் குறைந்தவை இப்படி இருந்தன இல்லையா? அப்போது ஒருவர் புகைப்படக் கலைஞராக வேண்டுமென்றால் நகரங்களில் இருக்க வேண்டும். குறைந்த பட்ச பொருளாதார வசதி உள்ளவராகவும் இருக்க வேண்டும். அவர் தனது புகைப்படங்களை பத்திரிக்கையில் வெளியிடுவது சிரமம். அவர்களே ரிப்போர்டர் காமிராமேன் எல்லோரையும் வேலைக்கு வைத்திருப்பார்கள். ஆனால் இன்று ஒரு கைபேசியின் காமிராவில் நாம் புகைப் படம் எடுக்கலாம். அதை சமூக வலைத் தளங்கள் மூலமாகப் பகிரலாம்.

இந்த இடத்தில் நாம் கவனிக்க வேண்டியது ஒரு கைபேசியின் காமிரா ‘தொழில் ரீதியான’ (professional) புகைப்படக் கலைக்குப் போதாது என்பதே. ஆர்வத்தை வளர்த்துக் கொள்ள கைபேசி போதுமானது. அவ்வளவே. இருந்தாலும் அந்தக்காலத்தில் இருந்த தொழில்ரீதியான காமிரா கூட மின்னணுவின் துல்லியம் இல்லாததே.

புகைப்படங்கள் வரலாற்றுக்கான ஆவணங்களாகின்றன. அந்தக் காலச் சென்னை என்று புகைப்படங்களைப் பார்க்கும் போது பல விஷயங்கள் சேர்ந்து நம் கவனத்துக்கு வருகின்றன இல்லையா?

தலைவர்களின் சந்திப்புகள் பற்றிய புகைப்படம் அதில் உள்ள அத்தனை தலைவர்களின் செயல்கள், பேச்சுகள் அனைத்தையும் நாம் நினைவு கூர வைக்கின்றன.

புகைப்படக் கலையின் மிகப் பெரிய உதவி அது எல்லாத் துறைகளுக்கும் பயனுள்ளதே. காவல் துறையோ, கட்டிட வியாபாரமோ, அரசியலோ, கல்வியில் மருத்துவம் அல்லது பொறியியலோ எதுவானாலும் புகைப்படங்கள் ஆவணங்களாக உதவுகின்றன. ஆதாரங்களாக – காட்சி வடிவில் பேசும் நிழல் படைப்புகளாக நிற்கின்றன.

2._Feeling-a-moment_small
சுற்றுச் சூழல் ஆர்வலர்களுக்குப் புகைப்படங்கள் மிக முக்கியமானவை. நாம் மேலே காணும் இந்தப் புகைப்படம் சரிதா என்னும் இளைஞரால் எடுக்கப் பட்டது. வெளிச்சம், இயற்கைச் சூழல் மற்றும் அதிக நடமாட்டமில்லாத நேரம் இப்படிக் காத்திருந்து அவர் எடுத்த புகைப்படம் இது. இத்தகைய படங்கள் இயற்கையை, விலங்குகளை, சுற்றுச் சூழலைக் காக்கும் பணியில் ஆர்வமுள்ள யாருக்கும் மிகுந்த பயனுள்ளவை.

இன்று புகைப்படக் கலையில் வயது வேறுபாடின்றி ஆர்வமாய் ஈடுபட்டுக் கற்பவர்கள் அனேகர். அவர்கள் அனைவருக்கும் நிறையவே வாய்ப்புகளும், களங்களும் காத்திருக்கின்றன.

(Image courtesy:http://www.shariblog.com/2012/11/featuring-the-work-of-saritha-dattatreya/)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in நாட் குறிப்பு and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s