120 கோடி மக்களின் சுதந்திரம்


220px-Waving_Indian_Flag_At_Red_Fort

120 கோடி மக்களின் சுதந்திரம்

1972ல் எங்கள் பள்ளியில் சுதந்திர தின வெள்ளிவிழாக் கொண்டாட்டம் நடைபெற்றது. சிறப்புப் பேச்சாளர் யாரையும் அழைக்காமல் பேச்சுப் போட்டியில் வெற்றி பெற்ற என்னையே பேச வைத்து விட்டார்கள். அப்போதெல்லாம் மிகவும் சிறுவனான எனக்கு அம்மாவின் எழுத்துகள் வழியே தான் பேசும் விஷயம் கிடைக்கும். பலரும் அந்தப் பேச்சை மிகவும் பாராட்டினார்கள். ஜெய் ஹிந்த் என்று நான் முடித்த போது பள்ளியே அதிர்ந்தது.

சுயபுராணம் பாட இதை எழுதவில்லை. என் வயதுக்காரர்கள் சுதந்திரத்தின் மகத்துவம் அதை அடையப் பல பெரியவர்கள் செய்த தியாகங்கள் குறித்த விழிப்புணர்வுடன் இருந்தோம். சுதந்திரப் போராட்டத்தைக் கண்ட பல பெரிசுகள் அப்போது எங்களுக்கு அறிவுரை கூறிய காலம்.

இன்று சுதந்திரத்தின் இரண்டு முக்கியமான பரிமாணங்கள் குறித்த விழிப்புணர்வு இல்லை.

ஒன்று நாம் வலிமையாக இருக்கிறோமா? இரண்டு நாம் சுதந்திரமாக சிந்திக்கிறோமா?

நாட்டின் வலிமை ராணுவ பலத்தில் மட்டுமில்லை. நாடு – நம் மண் இதை நாம் காப்போம் – இதற்குப் பெருமை சேர்க்கும் பணிகளை நாம் எடுப்போம் என்னும் புரிதல் இல்லை. விளையாட்டு, விஞ்ஞான தொழில் நுட்பத் துறை இவற்றில் நாம் நம் நாட்டைத் தலை நிமிர்ந்து நிற்கத் தேவையான கல்வியும் ஆய்வுத்திறனும் உள்ள மாணவர்களை வளர்க்கிறோமா? ஆய்வு செய்யும் மாணாக்கருக்கு நல்ல ஊக்கம் தருகிறோமா என்னும் கேள்விகள் நீள்கின்றன. விளையாட்டில் உலக கவனம் பெறுவது பின்னால். முதலில் நாம் விளையாட்டால் மனமும் உடலும் நலம் பெறும் இளைய தலைமுறையை உருவாக்குகிறோமா என்னும் கேள்வி பிரம்மாண்டமாக நிற்கிறது.

தேச பக்தி என்னும் உணர்ச்சிமயமான பேச்சுகள் வறண்டவை. நேசிப்பவர் அதற்காக எதாவது செய்தாக வேண்டும். ஒரு வலிமையான தலைமுறை உருவாவதே முக்கியப் பணியாக இருக்கும்.நாட்டின் அறிவுவளத்துக்கு, பொருளாதார பலத்துக்கு அடிப்படையானது நல்ல கல்வித் திறனும் நுட்ப அறிவும் கொண்ட ஒரு தலைமுறை உருவாவதே தேசத்துக்கு நாம் செய்யும் தொண்டு. அவர்கள் நாட்டுக்குத் தானே பெருமை சேர்ப்பார்கள். நாம் வலிமையை எல்லாத் துறையிலும் காட்ட வேண்டும்.

இரண்டாவது கேள்வி நாம் சுதந்திரமாக சிந்திக்கப் பழக்கப் பட்டிருக்கிறோமா?

மொழி மாநில அடிப்படையில் நாம் துண்டு துண்டாகப் போராடுகிறவர்களாகவும் மண்ணின் பண்பாட்டில் இருந்து தன்னைப் பிரித்துக் காணும் மனப்பாங்குள்ளவர்களாகவுமே பழக்கப் படுத்தப் பட்டுள்ளோம். ஆந்திராவில் ஒரே மொழி பேசுவோரே இப்போது பிளவு பட்டு நிற்பது கவலைக்குரியது.

இந்தியத் துணைக்கண்டத்தின் பொதுப் பண்பாடு குடும்ப வாழ்வுக்குத் தரும் முக்கியத்துவமும் தன் மண்ணைப் பற்றிய பெருமிதமும். இதன் கசப்பான மறு பக்கம் பெண்ணடிமையும் ஜாதி அல்லது மத வெறியும்.

இதில் ஒரு குறிப்பிட்ட மொழி பேசும் மாநிலம் விதி விலக்காக மேலானதோ கீழானதோ அல்ல.

நம் குறைகளை ஒப்புக் கொண்டு அவற்றைத் தாண்டி சிந்திப்பதில் துவங்கி அவற்றை நீக்கும் நிலைக்கு உயர வேண்டிய காலம் இது.

சந்தைப் பொருளாதாரம் என்னும் புதிய சவாலை நாம் எதிர்கொள்கிறோம். ஒருவரின் நுகர்வு இப்போது உலக அளவில் முடிவாகி எல்லா நாடுகளையும் ஆக்கிரமித்து நுகரும் கலாச்சாரம் என்னும் புதிய வாழ்க்கை முறையை நோக்கி உலகம் வலுக்கட்டாயமாகத் தள்ளப்படும் காலகட்டம் இது.

தேவையான அளவு நுகர்வு எளிய வாழ்வு என்னும் பின்னணி இந்தியத் துணைக் கண்டத்தில் எல்லா நாடுகளிலுமே காணக் கூடியது. நாம் உலகைப் பொருளாதாரத் துறையில் வெல்லும் லட்சியத்தைக் கொண்டால் உள் நாட்டில் தேவையற்ற நுகர்வை மட்டுப் படுத்தி நாம் விற்கக் கூடியவற்றை உற்பத்தி செய்வதில் அந்தப் பணம் மூலதனமாக வேண்டும்.

ஜனநாயகம் என்னும் பெரிய வரம் நமக்குக் கிடைத்திருக்கிறது. இது அண்டை நாடுகளிலோ சீனாவிலோ கிடையாது. பெயரளவில் தான் அங்கே ஜனநாயகமும் மனித உரிமைகளும்.

இந்த நாட்டின் பலம் இந்த ஜனநாயகம். இதை முதலில் ஊழல், மதவெறி ஜாதி வெறி, மற்றும் பெண்ணடிமை செய்யும் வெறி இவற்றிலிருந்து நான் காப்பாற்றுவேன் என்று இளைஞர்கள் சிந்திக்கத் துவங்க வேண்டும். அதற்குக் கல்வித் திட்டமும் ஆசிரியர்களும் கை கொடுக்க வேண்டும்.

இந்தியாவின் வரைபடம் மட்டுமல்ல இந்தியா. இந்திய மக்களின் ஒன்று பட்ட முகமே இந்தியா.

(image courtesy wiki)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in நாட் குறிப்பு and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s