காதல் என்னும் ரயில் சினேகிதம்- எம்.டி.வாசுதேவன் நாயர் சிறுகதை


Mt_vasudevan_nayar
காதல் என்னும் ரயில் சினேகிதம்- எம்.டி.வாசுதேவன் நாயர் சிறுகதை

முதலில் ரயில் சினேகிதம் பற்றி விளக்கி விடுவது நல்லது. நேரமின்மையால் என் சினேகித பாவம் உலர்ந்து போய் வெகு நாளானது. வாசிக்கவும் எழுதவும் நேரமில்லாமல் கைப்பையில் புத்தகம் அல்லது இலக்கியப் பத்திரிக்கையை வைத்துக் கொண்டு அலைபவன். ரயிலில் இப்போதும் மேல் ‘பெர்த்’தான். வாசிக்க, வாதித்துக் களைத்து உறங்க அதுவே வசதியானது.

இருந்தாலும் ரயில் சினேகிதம் பற்றி மேலே இருந்து பார்த்துப் பல விஷயங்கள் தெரியும். ரயிலில் எல்லோருமே பரந்த மனம் உள்ளவரே. ஜாதி வெறி பிடித்தவர் கூட காதல் திருமணத்துக்கு ஆதரவாகப் பேசுவார். லஞ்சம் வாங்காவிட்டால் இரவுத் தூக்கம் பிடிக்காதவர் கூட பொது வாழ்வில் நேர்மை பற்றிப் பேசுவார். எல்லோரிடமும் நட்புதான். பெருந்தன்மையும் தாராளமும்தான்.

மிகவும் துக்கமாக இருப்பவர் தவிர ஏறத்தாழ அனைவரிடமுமே இதைப் பார்க்கலாம். தினசரி நடவடிக்கையிலிருந்து விடுதலை. கட்டாயமாகச் செய்ய வேண்டிய வேலை எதுவுமில்லை. கைபேசியும் அனேகமான இடங்களில் செயற்படாது. இதை விட சுகமான சுதந்திரம் என்ன கிடைக்கும்? முன்பின் அறியாதவரிடம் தாராளமாகப் பெருந்தன்மையாக அளக்க ஏற்ற உற்சாக மனநிலை. ஒத்த மனநிலை. எல்லாவற்றிற்கும் மேலாக பாதியில் சொல்லிக் கொண்டோ சொல்லிக் கொள்ளாமலோ இறங்கி விடலாம்.

செப்டம்பர் 2014 ‘இனிய உதயம்’ இதழில் சுரா மொழி பெயர்த்த எம்.டி. வாசுதேவன் நாயரின் ‘சாமந்திப் பூக்கள்’ சிறுகதையில் காதலைப் பற்றி ‘ரயில் சினேகிதம்’ என்னும் பிம்பமே நமக்குக் கிடைக்கிறது. மிகவும் தந்திரமாகத் தன்னைக் காதலுக்கு உகந்தவனாகக் கருதும் ஒரு பதின்வயதுப் பெண்ணை ஏமாற்றி உடல் சுகம் அனுபவிக்கும் ஒரு இளைஞனின் கதையே அது. தற்காலிகமாக, வேலை நிமித்தமாகத் தங்கி இருக்கும் இடத்தில் அவன் தாயில்லாத ஒரு பதின் வயதுச் சிறுமியிடம் பேச்சுக் கொடுத்துப் பழகுகிறான். அவளை மணந்து கொள்வதாகவும் வாக்களிக்கிறான். தன் ஊரிலேயே நல்ல வேலை , வரதட்சணை இரண்டும் ஏற்பாடு செய்துள்ள மாமனார். பெண்ணை அப்பா முடிவு செய்ததும் இந்த விஷயங்களுக்காக அவன் பெண்ணைப் பார்க்காமலேயே சம்மதிக்கிறான். ஊருக்குக் கிளம்பும் ஓரிரு நாட்கள் முன் இந்த இளம் பெண்ணை ஏமாற்றி அனுபவித்து விடுகிறான். மெலிந்த அழகான தோற்றமும் வசீகரிக்கும் குண நலன்களும் உள்ளவள் இவள். ஊருக்குப் போய் அவன் மண முடித்து, முதலிரவில் தான் மனைவியானவளை நெருங்கிப் பார்க்கிறான். மிகவும் பருமனானவள். கட்டிலில் வாடிக் கிடந்த சாமந்திப் பூக்கள், அந்தப் பூக்களை விரும்பி அணியும் அந்த அப்பாவிப் பெண்ணை நினைவு படுத்துகின்றன.

காதல் வயப்பட்டாளா இல்லையா அந்தச் சிறுமி? அவள் காதல் வயப்பட்ட ஆள் சரியில்லை என்றாலும் அவளுக்கு அவன் தன்னை உண்மையிலேயே நேசிப்பதான ஒரு நம்பிக்கையும் அதன் அடிப்படையிலான இனிமையான சந்திப்புகளும் நிகழ்ந்தன தானே! சரி அவன் அவளை ஏமாற்றாமல் கைப் பிடிப்பதாகவே வைத்துக் கொள்வோம். எத்தனை நாட்கள் கணவன் காதலனாகவும் மனைவி காதலியாகவும் இருக்க முடியும். காதல் கொள்ள வைத்த குண நலன்களை அவர்களால் எத்தனை நாட்கள் தக்க வைத்துக் கொள்ள முடியும்? வரவேற்பு அறை அல்லது ரயில் பெட்டி போன்றது காதல் கொள்ளும் நாட்கள். சமையலறை, தட்டு முட்டு சாமான்கள் வைக்கும் அறை போன்றது திருமணத்துக்குப் பிந்தைய நாட்கள். என்னை விரும்பினாய் என்று காதல் தொடங்குகிறது. அதே விருப்பத்தை ஏன் நீ தீவிரமாக வெளிப்படுத்தவில்லை? எப்படி நீர்த்து விட்டது உன் காதல் என்று மனம் பக்குவப்படாத கணவனோ மனைவியோ வருந்தி வெம்பி தீராத சண்டையிடுவதும் நடைமுறையே. அவர்களே மன முதிர்ச்சி இருப்பவர்கள் காதலித்த காலம் ரயில் பயணம் போன்றது என்னும் புரிதலை அடைவார்கள். காதலிக்கத் தக்கவராக ஒருவர் இயல்பாகவே வெகு நாள் இருப்பது அபூர்வம். காதலிக்கத் தக்கவராகத் தற்காலிகமாகத் தோன்றுவது, அடிப்படையில் காதல்வயப் படுவன் அல்லது படுபவள் மனதில் உள்ள கற்பனை அல்லது எதிர்ப்பார்ப்பின் விளைவே.

காதல் ரயில் பயணம் போலத்தான். தற்காலிகமாக இருந்தாலும் தனிமையும் வெறுமையுமாகப் போக வேண்டிய ஒரு பொழுது ரயிலில் உள்ள சகபயணி மூலமாக உற்சாகமாகப் போகிறது. காதல் நீர்க்குமிழியாக மறைந்தாலும் காதல் வயப்பட்ட காலம் மனதில் என்றும் இனிமையாக நின்று விடுகிறது.

(image courtesy: wiki)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s