மலாலாவுக்கு நோபல் பரிசு- பெண் குழந்தைகளுக்கு உலகின் ஆதரவு


Malala_Yousafzai_at_Girl_Summit_2014
மலாலாவுக்கு நோபல் பரிசு- பெண் குழந்தைகளுக்கு உலகின் ஆதரவு

மலாலாவை சிறுமி என்றே குறிப்பிடலாம். அளப்பரிய நெஞ்சுரத்துடன் தாலிபான் களின் தடைகளை மீறிப் பள்ளிக்கூடம் சென்று தலையில் குண்டு பாய்ந்து உயிருக்குப் போராடியவர். உடல் நலம் பெற்றதும் இங்கிலாந்தில் இருந்து உலகக் குழந்தைகளின் உரிமைக்காகப் போராடி வருபவர்.இவருடைய நெஞ்சுரம் பள்ளிக்கூடங்களில் பாடமாக வைக்கப் பட வேண்டிய முன்னுதாரணம்.

மலாலாவின் பணி இஸ்லாமியப் பெண் குழந்தைகளுக்கு மட்டுமானது அல்ல. தாலிபான் மற்றும் பிற பயங்கரவாத அமைப்புகள் பாதிக்காத இடங்களில் பெண் குழந்தைகள் படிப்பதில் எந்த சிக்கலும் இல்லை.

கீழை நாடுகளில் பெண் குழந்தைகள் படிக்க வேண்டும் என்று நினைக்கும் பெற்றோரை விரல் விட்டு எண்ணி விடலாம். மண வாழ்க்கை மற்றும் குடும்ப வேலைக்காகவே பெண் குழந்தைகள் பிறக்கிறார்கள் என்னும் விபரீதமான நம்பிக்கை வேரூன்றி இருக்கிறது மத வித்தியாசம் இல்லாமல்.

மலாலா இந்தக் குறுகிய மனப்பாங்கை மறுதலிக்கும் தலைமுறையின் பிரதிநிதி அவர். அவரது குரல் கோடிக்கணக்கான குழந்தைகளின் குரல். கல்விக்கும் முன்னேற்றத்துக்கும் வழியில்லாத எல்லா நாட்டுக் குழந்தைகளின் குரல்.

செவ்வாய் கிரகத்தையே எட்டிப்பிடித்த இந்தியாவோ அல்லது பிற வளர்ந்த நாடுகளோ குழந்தைகளின் முன்னேற்றமே மனித குலம் மேம்படும் ஒரே வழி என்பதை இன்னும் புரிந்து கொள்ளவே இல்லை.

மொட்டுகளைப் பிடுங்கிக் கசக்கி விட்டெறிந்தால் அவை மலருமா? மணம் வீசுமா? அதே போலத்தான் நாம் படிக்கும் வயதில் கூலிகளாகக் குழந்தைகளை வேலை வாங்குகிறோம். திறனும் கல்வியும் இல்லாதவர்களாக அவர்கள் வாழ்நாள் முழுதும் துயருறுகிறார்கள். சமுதாயத்தில் உழைப்போரின் பெரும்பகுதி திறனற்றோரால் நிரம்புவதால் பொருளாதாரத்தின் மீதும் தாக்கம் இருக்கிறது.

பெண்கள் கல்வி கற்கும் போது அவர்கள் தம் வாரிசுகளை தன்னம்பிக்கையும் மேலான லட்சியங்களும் உள்ளவர்களாக வளர்க்கும் தகுதியையும் சேர்த்துப் பெறுகிறார்கள்.

சமுதாய மாற்றத்தை விரும்புவோர் வெகு அபூர்வமானவர்கள். சமுதாய மாற்றத்துக்காக இடைவிடாது பணி புரிவோர் மிகவும் குறைவு. சமுதாயம் இப்படியே இருக்கட்டும் அதில் எனக்கு ஏகப்பட்ட வசதி என்போரே பெரும்பாலானவர்.

சமுதாயம் மாற முன்னேற விரும்பும் மலாலா மனிதகுலத்தின் வருங்காலத்துக்கு நம்பிக்கை நட்சத்திரம். அவருக்கு நம் வாழ்த்துகள்.

(image courtesy:wiki)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in Uncategorized and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s