பேகம் சம்ரூ – ஜார்ஜ் தாமஸ் – வரலாற்றில் புதைந்தவர்கள்


download

பேகம் சம்ரூ – ஜார்ஜ் தாமஸ் – வரலாற்றில் புதைந்தவர்கள்

பதினெட்டாம் நூற்றாண்டில் பிரெஞ்சு, போர்த்துகீசியர், டட்சு மற்றும் ஆங்கிலேயப் பின்புலம் உள்ள போர்த்திறன் உடையவர்கள் பல கூலிப் படைகளாக உருவாகினர். அவர்கள் பல கண்டங்களில் பெரும் பணம் தேடிச் செல்பவர்கள். அவர்களில் ஒருவனே ஜார்ஜ் தாமஸ். அயர்லாந்திலிருந்து ஒரு கப்பல் ஊழியராக இந்தியா வந்தவர். மராட்டியப் படையில் சிறிது காலம் இருந்து விட்டு ஒத்து வராமல் கொள்ளைக் கும்பல்களுடன் இணைந்தார். பிண்டார்கள் என்னும் கொள்ளைத் தொழில் கொண்டோரை ஒடுக்க மராட்டிய அரசு தத்தளித்துக் கொண்டிருந்த போது ஒரு சிறு படையை ஏற்படுத்தி அதன் தலைவனாகி அவர்களை ஒடுக்கினார். வட நாட்டின் குறுநில மன்னர் பலரும் கொள்ளையரை அடக்க இவரது படையைப் பயன் படுத்தத் துவங்கினர். கொள்ளையரின் செல்வம் மற்றும் மன்னர் தரும் சன்மானம் என இவருக்கு இரட்டிப்பு வருவாய். சிற்றரசர்களிடையே உள்ள பூசல்களைப் பயன்படுத்தி இவர் ஒருவரை ஆதரித்து இன்னொருவரை அடக்கிப் பணம் சம்பாதித்தார். உத்திரப் பிரதேசத்தில் இப்படி இவர் பீரங்கிகளுடன் கூடிய சக்தி மிக்க படையை உருவாக்கிய போது பேகம் சம்ரூ தமது அரசின் தளபதியாக இவரை நியமித்தார். காலப் போக்கில் பேகத்தின் காதலனாகவும் இருந்தார். ஆனால் வஸ்காலத் என்னும் பிரெஞ்சு தளபதியிடம் பேகத்துக்கு ஈடுபாடு வந்த போது தாமஸ் பதவி இழந்தார். ஆங்கிலேயப் படையிடம் தோற்றார். உடல் நலம் பாதிக்கப் பட்டு இறந்தார். பேகம் சம்ரூ தமது வீரத்துக்காகவும் ராஜதந்திரத்துக்காகவும் பிற முகலாய மன்னர்களால் மதிக்கப் பட்டார், ஆனால் அவர் குரூரமானவர். தமது விருப்பத்துக்கு மாறாகக் காதல் திருமணம் செய்து கொண்டு அரண்மனையை விட்டு வெளியேறிய இரண்டு பணிப் பெண்களைக் கொன்று தமது கட்டிலுக்குக் கீழே புதைக்கச் செய்தாராம். அவர்கள் ஆவிகள் வெளியேறாமல் இருக்க.

தீராநதி நவம்பர் 2014 இதழில் எஸ்.ராமகிருஷ்ணன் Begum Samru of Sardhana by Michel Larneuilன் நூல் விமர்சனமாக ஒரு நீண்ட வரலாற்றை நம்முடன் பகிர்கிறார். ஐரோப்பிய கூலிப்படைகளின் ஆதிக்கம் பிரிட்டிஷ் அரசுக்கு முன்பு துவங்கி பிரிட்டிஷ் அரசாங்கம் வலிமையாகக் காலூன்றும் வரை இருந்திரிக்கிறது என்னும் வரலாறு அதிகம் கவனம் பெறவில்லை. வரலாறு நமக்கு ஒற்றைப் பரிமாணத்தோடு அல்லது பின்னமாகவே வழங்கப் பட்டுள்ளது என்றே நாம் கருத வேண்டும்.

எஸ்.ராமகிருஷ்ணனின் கட்டுரை நீண்டது. நிறைய வரலாற்று விவரங்களை உள்ளடக்கியது. அவரது பதிவில் உள்ள சுவை ஒரு நாவல் அல்லது மர்மக் கதையை படிக்கும் சுவாரசியத்தை நமக்கு அளிக்கிறது. அவரது திறமை நாம் அறிந்ததே.

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in விமர்சனம் and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s