காந்தியடிகள் பற்றிய அவதூறுகள்- பாவண்ணன் கட்டுரை


g_glob11

காந்தியடிகள் பற்றிய அவதூறுகள்- பாவண்ணன் கட்டுரை

காந்தியடிகளை கடவுளாகவும், விவாதங்களுக்கு அப்பாற்பட்டவராகவும் கருதுவோர் அவரைப்பட்ட மேம்பட்ட புரிதலை புதிய தலைமுறைகள் அடைய வேண்டும் என்னும் கனவு இல்லாதோரே. காந்திஜி என்னும் ஆளுமை காந்தியம் என்னும் அவரது உண்மை+அஹிம்ஸை உள்ளடங்கிய ஆன்மீக நிலை இவை எவ்வளவு கடுமையாக விவாதிக்கப் படுகின்றதோ அவ்வளவு புரிதல் நம் எல்லோருக்குமே சாத்தியமாகும்.

பாவண்ணன் கட்டுரை மேமாதத் தீராநதி இதழில் வந்துள்ளது அந்த இதழ் இடதுசாரிகளில் சுதந்திர சிந்தனை வேண்டுவோரையும் குழுவில் வைத்திருக்கிறது என்பதையே காட்டுகிறது.

ஓய்வு பெற்ற நீதிபதி ஒருவர் எழுதிய காந்தியைக் கூர் விமர்சனம் செய்யும் நூல் அதிர்ச்சி அலைகளை சமீபத்தில் கிளப்பிய பின்புலத்தில் எழுதப்பட்ட கட்டுரை இது. அதே சமயம் பாவண்ணன் அவதூறுகள் நேரு காலத்திலிருந்தே இருந்தன என்பதை எடுத்துக் காட்டுகிறார்.

1931- லண்டன் பத்திரிக்கை – 1921ல் வேல்ஸ் இளவரசர் இந்தியா வந்த போது காந்தி அவர் முன் மண்டியிட்டு சுதந்திரத்துக்காக மன்றாடினார் என்னும் கட்டுரை வந்தது.

மற்றொரு முறை (பாவண்ணன் வருடம் குறிப்பிடவில்லை) காந்தியடிகள் பெரிய தொகை ஒன்றை காங்கிரஸுக்குத் தராமல் நண்பர்களிடம் பதுக்கி வைத்திருக்கிறார் என்னும் அவதூறை இந்தியப் பத்திரிக்கை ஒன்று வெளியிட்டது. இரண்டு பத்திரிக்கைகளுமே நேருவின் கடுமையான எதிர்ப்பால் மன்னிப்புக் கோரின.

காட்ஜூ (பாவண்ணன் ஏன் இவர் பெயரையே குறிப்பிடவில்லை?) புரட்சிகரமான இளைஞர்களை காந்தி அஹிம்ஸை என்று கூறி திசை திருப்பி விட்டார் என்று எழுதியிருக்கிறார். இதுவே காட்ஜூ தம்மை ஒரு முற்போக்கு அறிவுஜீவியாக நிலைநாட்டிக் கொள்ள காந்தியைக் குறி வைக்கிறார் என்று கண்டனத்துக்குள்ளாக்கியுள்ளது.

பாவண்ணன் காந்தியடிகள் வழி உயர்ந்தது என்பதையும் அவர் போர்க்குணத்தில் எப்போதும் சமாதானம் செய்து கொள்ளவில்லை என்பதையுமே தமது கட்டுரையில் நிலலநாட்ட முயல்கிறார்.

சில கேள்விகளுக்கு நாம் விடை தேடியே ஆக வேண்டும்.

1. ஒருவர் தம்மை நிலை நாட்டிக் கொள்ள ஒரு கோட்பாட்டையோ அல்லது அதன் தந்தையையோ குறி வைத்துத் தாக்கக் கூடாதா? (தமிழில் ஒருவர் அப்படித்தானே செய்தார்?- பாவண்ணன் பாணியில் பெயர் குறிப்பிடவில்லை பாருங்கள்!)

2.காந்தியடிகள் நமக்குக் கடவுளாக இருக்கலாம். ஆனால் நாம் அவரை அரசியல்தளத்தில் வைத்தே பார்க்க வேண்டும். அரசியலில் அவர் அறமும் அஹிம்ஸையும் என்னும் அஸ்திரத்தைக் கையில் எடுத்தார். அரவிந்தர் ஆன்மீகவாதியாகப் பரிமணித்தார். காந்தியடிகள் வணங்கத்தக்க அரசியல்வாதியாகவே இறுதிவரை இருந்தார். சிறிய உதாரணங்கள்- புனே ஒப்பந்தம், 1948ல் பாகிஸ்தானுக்கு நாம் பணம் தர வேண்டும் என்னும் உண்ணாவிரதம், வட்டமேஜை மாநாடுகளில் அவர் காட்டிய பொறுமை ஆகியவை. (முந்தைய கட்டுரை ஒன்றில் சற்றே இந்தப் பத்தியை விரிவாக விவாதித்திருக்கிறேன்). எனவே எவ்வளவு அப்பழுக்கற்றவராக இருந்தாலும் அரசியல்வாதியும் அவரது அரசியலும் கடுமையான விமர்சனத்துக்கு உள்ளாக வேண்டியவையே.

3. காந்தியடிகள், மாண்டேலா, (ஓரு சில காரணங்களுக்காக) யாசர் அராஃபத் இவர்கள் அரசியல் வழியில் வெற்றி கண்டார்கள். ஐரிஷ் போராட்டமும் ஒரு உதாரணம். காந்தியடிகள் நீண்டகாலப் போராட்டத்துக்கு ஏற்ற வழியாகவும் தமது தனிப்பட்ட நம்பிக்கைகளின் அடிப்படையிலுமே அஹிம்ஸை வழியில் சென்றார். ஒருவேளை காந்தியடிகள் தோற்றிருந்தாலும் அஹிம்ஸைக்காகவே அவர் வணக்கத்துக்குரியவர். அவர் தோற்றிருந்தால் நாம் அவரைத் துவைத்து உலர்த்தி இருக்க மாட்டோமா? காந்திஜியை நாம் கருவியாகத்தானே பார்க்கிறோம். தீர்க்கதரிசியாக அல்லவே? ஆன்மீகவாதியாகவும் நாம் காணவில்லையே?

4.நேதாஜி வென்றிருந்தால்? அவர் காந்திக்கு நிகரான வீரரே. அவர் இந்தியனின் தன்மானச் சின்னமாக என்றும் அறியப் படுவார். நாம் ஏன் காந்தியடிகளுக்கு இணையான இடத்தை அவருக்குத் தரவே இல்லை?

5.காந்திஜி நம் அடையாளமா? அப்படி நாம் நினைக்கிறோமா? அப்படித்தான் என்றால் அது நமது அசல் அடையாளமா? அது அசல் என்றால் முழுமையான அடையாளமா?
6. கணவனாக கஸ்தூரிபா அம்மையாரையும், அப்பாவாக இந்திய மக்கள் எல்லோரையும் ஒரு மிரட்டலில் அவர் வைத்திருந்தார் இல்லையா? அது அஹிம்ஸை வழியில் செய்யப்பட்டிருந்தாலும் அவரது பிடிவாதம் கசப்பான ஒன்று தானே?

காந்திஜி என்றுமே அவரது கொள்கைப் பிடிப்புக்காக, நேர்மைக்காக, உண்மைக்காக, அஹிம்ஸை என்னும் பரிசோதனைக்காக இவையெல்லாம் அடங்கிய அவரது ஆன்மீக பலத்துக்காக வணங்கப் படுவார். அதே சமயம் அவரது வாழ்வின் பெரும்பகுதி அரசியலிலேயே கழிந்தது. அது என்றும் விமர்சனத்துக்கும் புதிய விளக்கங்களுக்கும் புரிதல்களுக்கும் உரியதே.

(image courtesy: gandhiji.org)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in விமர்சனம் and tagged , , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s