ஆர். அபிலாஷின் சிறுகதை – அகல்யா


Abhilash2

ஆர். அபிலாஷின் சிறுகதை – அகல்யா

சமகால களன் கள், கரு, சூழல் மற்றும் பண்பாட்டுச் சிக்கல்கள் என்றெல்லாம் எதுவுமே கிடையாது அனேகமான தமிழ் எழுத்தாளர்களுக்கு. பல காலமாக இருந்து வரும் பிரச்சனைகளை நூறாவது முறையாக எழுதுவது அவர்களுக்கு மிகவும் பிடித்தது. அதற்கு இணையாகப் பிடித்தது சமகால எழுத்துக்கள் எதுவுமே சரியில்லை என்று சுமார் முப்பது நாற்பது வருடங்கள் பின்னோக்கிப் போய் விடுவது அல்லது தன் எழுத்துக்களைப் பற்றித் தம்பட்டம் அடித்துக் கொள்வது.

ஆர். அபிலாஷ் விதிவிலக்காக அனேகமாக எழுத்தாளர்கள் தொடாத ஒரு கதைக்களனை எடுத்துக் கொண்டிருக்கிறார். சமகால ஆண் பெண் உறவுச் சிக்கல்கள். உண்மையில் நம் எழுத்தாளர்களுக்கு முற்றிலும் தெரியாத களன் இது இல்லையா. அபிலாஷ் மிகவும் நுட்பமாகக் கையாண்டிருக்கிறார் திராநதி செப்டம்பர் 2015 இதழில் அகல்யா என்னும் சிறுகதையில்.

கதை அழகாக கவனமாக நெய்யப்பட்டது. எனவே கதை என்று ஒன்று ஒரு வரி வேண்டுமானால் வரும்- ஒரு இளம் பெண்- உடலுறவு பற்றிய ஒவ்வாமை எதுவுமில்லாதவள் வலிய வந்து ஒரு இளைஞனுடன் ஒரு இரவு தங்குகிறாள். அவர்கள் உடலாலாலோ மனதாலோ அணுக்கமாகமலேயே அந்த இரவு கடந்து செல்கிறது.

இந்தக் கதையில் நான் மிகவும் ரசித்த இடம் அந்தப் பெண் முக்கிய பாத்திரமான இளைஞனிடம் தன் தோழிகளின் ஆண் நண்பர்கள் தன்னிடம் பாலியல் ரீதியான அணுக்கம் காட்ட முற்படுகிறார்கள் என்னும் புகார். தன் மனம் கவர்ந்தவன் என்று தான் கருதும் ஆணிடம் தவறாமல் ஒரு பெண் தனக்குப் பாலியல் ரீதியாக சிறிதாகவோ பெரிதாகவோ ஒரு தொல்லை ஏற்பட்டது என்று தெரிவிக்காமல் இருக்கவே மாட்டாள். அபிலாஷ் சமகாலப் பெண் மனதை ஆண் பெண் உறவு கடந்து செல்லும் புதிய மைல்கற்களை சரியாக சித்தரித்து இருக்கிறார்.

கதையின் மிக முக்கியமான இடமாக நான் கருதுவது மழையில் நனைந்தவளாக அவன் அறைக்கு வரும் அவள் அவனது உடைகளை அணிந்தாலும் அதன் மேல் தனது ‘ரெயின் கோட்’டை அறைக்கு உள்ளேயே அணிவது.

ஆண் பெண் இரண்டு வெவ்வேறு உலகங்கள். இது எல்லாக்காலத்திலும் அப்படியே தான் இருந்தது. இருக்கிறது. ஆனால் ஆணின் அணுக்கம் பற்றிப் பெண்ணுக்கும் பெண்ணின் அரவணைப்பைப் பற்றி ஆணுக்கும் உள்ளார்ந்த கனவுகளும் எதிர்பார்ப்புக்களும் இருக்க வேண்டும். அது இல்லாத பட்சத்தில் ஆண் பெண் ஈர்க்கப்படுவதும் ஒரு நல்லுறவு அவர்களுக்குள் உருவாவதற்கும் வாய்ப்பே இல்லை.

இன்றைய பெண்ணின் முதல் கனவு தன் படிப்பு வேலை இவையாகவே இருக்க வேண்டும். அது சரிதான். ஆனால் அதற்காகத் தரும்விலைகளில் ஒன்று ஆணின் அணுக்கம் பற்றிய கனவுகள். என்றும் நினைவு கூரத்தகுந்த தருணங்கள் ஆண் பெண் இடையே நிகழ படிப்பு மற்றும் தொழில் சார்ந்த அழுத்தங்களைத் தாண்டி நிகழ்கின்றன அபூர்வமாய். அனேகமாக நிகழ்வதே இல்லை. இது தட்டையான சிந்தனை உள்ள சமூகத்தின் பார்வைப்புலனுக்கு உள்ளேயே இல்லை. அபிலாஷ் நம்பிக்கை தரும் எழுத்தாளர்.

(image courtesy:wiki)

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in விமர்சனம் and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s