சுஜாதாவின் இறுதி நாட்களை முன் வைத்து சாரு நிவேதிதாவின் கட்டுரை


sujatha1.jpg

 

 

சுஜாதாவின் இறுதி நாட்களை முன் வைத்து சாரு நிவேதிதாவின் கட்டுரை

‘குமுதம் லைஃப்’ என்னும் இதழுக்கு காலம் சென்ற எழுத்தாளர் சுஜாதாவின் துணைவியார் அளித்த பேட்டியின் நகலைத் தந்து ஒரு கட்டுரையைத் தமது இணையதளத்தில் சாரு நிவேதிதா எழுதி இருக்கிறார். அதற்கான இணைப்பு ————- இது.

தமிழில் அவரது வீட்டு சலவைத் துணிப் பட்டியல் கூட அச்சேறிய அளவு மிகவும் பெயர் பெற்றவர் சுஜாதா. ஆங்கில நாவல்களை நேரடியாக வாசிக்காத ஒரு தலைமுறைக்கு அவர் மட்டுமே எழுத்தாளராகத் தெரிந்தார். ஆங்கில வாசிப்பு உள்ளவரும் அவரைக் கொண்டாடினர். ஒரு பதிப்பாசிரியர் வீட்டுத் திருமண வரவேற்பு நிகழ்ச்சி. அதற்கு நானும் என் மனைவியும் போனோம். ‘லிப்ட்’ல் சுஜாதாவும் அவரது துணைவியாரும் நாங்கள் இருவரும் மட்டுமே. என் மனைவியின் சந்தோஷம் கட்டுக்கடங்கவில்லை. “உங்களை இவ்வளவு சமீபத்தில் சந்தீப்பேன் என நினைக்கவேயில்லை” என்று பூரித்தார். நான் கை குலுக்கினேன். அவரது விஞ்ஞான அடிப்படையிலான புனைவுகள் என்னை மிக ஈர்த்தன. இன்றும் அவை அரிய படைப்புக்களே. அவரது பிற படைப்புக்கள் ஆழமில்லாதவை.

சரி. விஷயத்துக்கு வருவோம். சாரு மறுபடியும் எழுத்தாளர்கள் ஏன் இப்படி நிதி நெருக்கடியுடனேயே வாழ்ந்து சாக வேண்டும் என மாய்கிறார். ஆனால் ஒரு எழுத்தாளர் மிகவும் மோசமாக நடத்தப் படுவது தமிழில் காலம் காலமாக வருவதே. இதற்கு எழுத்தாளர்களே பொறுப்பேற்க வேண்டும். ஈசல்கள் போல் பத்திரிக்கைகள் முன் பதிப்பகங்கள் முன் ஏன் விழ வேண்டும்? அர்ப்பணிப்புள்ள உழைப்பை ஏன் இப்படிப் படைப்பாளியே ஈனப்படுத்திக் கொள்ள வேண்டும் என்பது சோகமான கேள்விகள்.

இது சுஜாதா தவிர்த்த பிற எழுத்தாளர்களுக்கு மட்டுமே.

சுஜாதாவுக்கு நிறையவே பெயரும் புகழும் இருந்தன. பத்திரிக்கைகள் மற்றும் சினிமா வியாபாரிகளுடன் அவர் சரியான ஒப்பந்தம் ஏன் செய்து கொள்ளவில்லை என்பது வியப்பளிக்கிறது. அறிவுசார் பணிகளுக்கு இங்கே உள்ள மலிவான மதிப்பிடலும் அதைக் கொள்ளை அடிப்பதில் உள்ள ஆர்வமும் மட்டுமே சுஜாதா விவகாரத்தில் எனக்குப் படிப்பினைகளாகப் படுகின்றன.

அடிப்படையில் வாசித்துத் தன்னை விரிவுபடுத்திக் கொள்ளும் முனைப்பு தமிழ்ச் சூழலில் இல்லை. பிற மாநிலங்களில் நிலமையும் ஏறத்தாழ இதுவே. இருந்தாலும் இவ்வளவு மோசமில்லை என்றே நான் வாசித்தவரை பிடிப்பட்டது.

வாசிப்பு என்றதுமே சாரு உட்படப் பல எழுத்தாளர்கள் புனைகதை வாசிப்பை முன் வைக்கிறார்கள். புனைவு அல்லது அபுனைவு அல்லது கல்விக்கான ஒரு புத்தகம் அல்லது கட்டுரை எதை வேண்டுமானாலும் வாசிக்கலாம். ஆன்மீகத்தில் சடங்கு மற்றும் மூட நம்பிக்கையை முன் வைக்காத நூல்களை வாசகர்கள் வாசிக்கலாம். வாசிக்க வேண்டும். புத்தகங்கள் நம்மை வளப்படுத்துகின்றன. சரியான விவரம் மற்றும் புரிதல் நோக்கி நகர்த்துகின்றன. மேலே சிந்திக்க வாசிக்கத் தூண்டுகின்றன. சுற்றுச் சூழல், சமூக ஒழுங்கு, தனி மனித வாழ்க்கையின் புதிர்கள், மனிதன் எப்போதும் சிக்கும் புதை மணல்கள் பற்றிய பிரக்ஞை, வாழ்க்கையின் விடை தெரியாக் கேள்விகளின் புதிர் வழி வாழ்க்கை பற்றிய மேம்பட்ட புரிதல் இவற்றுக்கு வாசிப்பே வழி வகுக்கும்.

வாசித்துக் கொண்டிருந்த ஒரு தலைமுறை யார்? இன்று நடுவயது அல்லது அதைக் கடந்தவர்களே. அவர்கள் கடந்த இருபது ஆண்டுகளில் தொலைக்காட்சியால் பாதிக்கப் பட்டவர்கள். அதனால் வாசிப்பைக் கை விட்டவர்கள். பெண்கள் தொடர்களாய் வரும் மலின கதைசொல் படைப்புக்களில் ஆழ ஆண்கள் வம்பளக்கும் அல்லது மட்டரகமாகத் தாக்கிக் கொள்ளும் அரசியல் விவாதங்களில் தொலைக்காட்சி முன் ஆழ்வதைக் காண்கிறோம்.

கட்டுரையை முடிக்கும் முன் நாம் எந்தப் புள்ளியில் துவங்கினால் வாசிப்புக்கு சரியான மதிப்பு மீளும் என்பதைக் காண்போம்.

நாம் மதிக்கும் அறிவுஜீவிகள் யார்? சினிமாப்பட இயக்குனர், பட்டிமன்றப் பேச்சாளர், தொலைக்காட்சியில் விவாதிப்பவர், ஆன்மிக உரையாளர் மற்றும் தினசரி நாளிதழ்களில் கட்டுரை எழுதுபவர் இல்லையா?

இவர்களில் எவ்வளவு பேர் தரவுகளுக்கான ஆதாரத்தை நூல்களிலிருந்து தருகிறார்கள். எவ்வளவு பேர் தமது உரையில் நூல்களை, அதன் மையக்கருத்தை முன்வைக்கிறார்கள்?

ஆதாரத்துடன் உண்மைக்கு அண்மையாகப் போகும் வழி காட்டாது தடாலடியாகப் பேசுவோரை விதந்தோதும் சமூகமாக நாம் இருக்கிறோம். ஆழ்ந்த வாசிப்பும் அதைப் பகிர்வதுமான சமூகமாக நாம் மாற மூன்று நடவடிக்கைகள் தேவை.

மூன்று முக்கியமான மாற்றங்களை நம்மால் நடைமுறைப்படுத்த முடியும்:

1. எல்லாப் பள்ளிகளிலும் மாணவருக்கு நூலகம் செல்லும் வகுப்பு வாரம் இருமுறை இருக்க வேண்டும் குறைந்தபட்சம். ஒவ்வொரு மாணவனும் தான் படித்த நூலைப்பற்றிய சுருக்கமான மதிப்புரையை பள்ளி இணையதளம் வழியாக மாதந்தோறும் வெளியிடுவதும் கட்டாயமாக்கப் பட வேண்டும்.

2. பொது மன்றங்களோ தொலைகாட்சியோ ஒவ்வொரு உரையாளரும் கேள்விபதில் பகுதிக்குத் தயாராக இருக்க வேண்டும் மற்றும் நூல்களைக் குறிப்பெடுத்துப் பேசுவோருக்கு மட்டுமே, பேசவோ அல்லது நாளிதழ்களில் கட்டுரை எழுதவோ வாய்ப்பளிக்க வேண்டும்.

3.எழுத்தாளர்கள் மற்றும் பதிப்பாசிரியர்களுக்கு மின்னூல்கள் பற்றி இப்போது இருக்கும் மனத்தடை நீங்க வேண்டும். வருங்காலத்தில் மின்னூல்களே அதிகமும் வாசிக்கப்படும்.

இந்த மூன்றும் ஒரு நல்ல துவக்கத்துக்கு வழி வகுக்கும்.

 

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in தனிக் கட்டுரை, Uncategorized and tagged . Bookmark the permalink.

One Response to சுஜாதாவின் இறுதி நாட்களை முன் வைத்து சாரு நிவேதிதாவின் கட்டுரை

  1. natchander says:

    charulathas opinion about sujatha makes a sad reading
    mr charu you have no qualification to tell sujathas name…pl remember….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s