எதற்காகப் புத்தக வாசிப்பு? – 8


Image result for ki. rajanarayanan images

எதற்காகப் புத்தக வாசிப்பு? – 8

பெரியவர் கி.ராஜநாராயணன் மூத்த எழுத்தாளர் நடுவில் ஒரு தனித்தன்மை உடையவர். சம்சாரிகள் என அவர் குறிப்பிடும் விவசாயக் குடும்பங்கள் பற்றிய பெரிய படுதா அவராலேயே நம்முன் விரிந்தது. நாயக்கர்கள் கரிசல் கட்டு எனப்படும் திருநெல்வேலியை ஒட்டிய பகுதியில் குடியேறி காட்டை அழித்து விளை நிலமாக்கி ,பல தலைமுறை விவசாயம் செய்த வரலாற்றை அந்த மக்களின் பண்பாட்டை நாம் புரிந்து கொண்டது அவராலேயே. மீனவர் வாழ்க்கையை நமக்கு நாவலாய்த் தந்த ஜெ.டி .குரூஸ் மற்றும் நெடுங்குருதி வழி திருட்டுத் தொழிலில் இருந்து மேம்பட்ட ஒரு பழங்குடி பற்றிய எஸ்.ராமகிருஷ்ணன் , தலித்துகளின் வாழ்க்கையை, அவர் தம் வலியைப் புரிய வைத்த இமையம் மற்றும் கண்மணி குணசேகரன் குறிப்பிடத்த்தக்கவர்கள். ஞானம் தத்துவம் இவை சடங்குகளாய்- தொழிலாய் நீர்த்த பின்னும் ‘இந்திய ஞான மரபு ‘ பற்றி பேச்சும் ஜெயமோகன் பங்களிப்பு மகத்தானது. அவர் பற்றிய என் விமர்சனங்கள் அவரது சாத்தியங்கள் தேங்கிப் போனதால். அவரது பங்களிப்பு போற்றுதற்குரியது. ஜெயந்தி சங்கர் தமது ‘பறந்து மறையும் கடல் நாகம்’ ,’மிதக்கும் சுய பிரதிமைகள்’ மற்றும் ‘ஒளிந்திருந்த குரல்கள்’ ஆகிய அபுனைவு நூல்களின் வழி நமக்கு சீனப் பண்பாடு, இலக்கியம், வரலாறு மற்றும் பெண்களின் வாழ்க்கையை விரிவாய்த் தந்திருக்கிறார். பலவருட உழைப்பை அளித்து தமிழுக்கு வளம் சேர்த்திருக்கிறார். விஞ்ஞானப் புனை கதைகளை அறிமுகம் செய்தவர் சுஜாதா. எளியோர் வாழ்கையை படம் பிடித்த ஜி. நாகராஜன், ஜெயகாந்தன் , கோபி கிருஷ்ணன் , நகர வாழ்க்கையைக் கூர்மையாய் விளக்கிய ஆதவன் ஆகியோரின் பங்களிப்பு மிகப் பெரியது. மனித உறவுகள் அடிப்படையான தி.ஜானகிராமன் பதிவுகள் தனித்துவமானவை. மௌனி நுட்பமாய் வாழ்க்கையின் நிலையாமையை வெளிப்படுத்தினார். நவீனத்துவ முன்னோடிகளில் ஒருவர்.

கவிதையே மையமாய் தமிழில் இயங்கியவர் நீண்ட கால அளவில் மனுஷ்ய புத்திரன் மட்டுமே. நவீனக் கவிதையின் வீச்சு அவருக்கும் யவன் சந்திரசேகருக்கும் மிகவும் கலையாய் வருகிறது. முன்னோடிகளில் ஆத்மாநாமும் பிரமிளும் குறிப்பிடத்தகுந்தவர்கள். பெண் கவிஞர்களில் உமா மகேஸ்வரி, கிரிஷாங்கினி , குட்டி ரேவதி, சல்மா என மூத்த கவிஞர்களும், அனார் , ஹம்சப்ரியா என பல நம்பிக்கை நட்சத்திரங்களும் உண்டு. பெண் கவிஞர்கள் ஆன் படைப்பாளிகள் என்றுமே எட்டமுடியாத ‘பெண்ணின் சொரணை ‘ என்னும் புள்ளியில் துவங்கி பெண்ணின் உலகை நமக்கு அருகாமைக்குக் கொண்டு வருபவர்கள். அவர்கள் படைப்பு மொழி என்றும் தனித்தது.

இலக்கிய விமர்சகளில் வெங்கட் சுவாமிநாதன் , தமிழவன், அ. மார்க்ஸ் , ராஜன் கருணை, பிரேம் -ரமேஷ், உலக இலக்கிய அறிமுகம் செய்விக்கும் பணியில் எஸ். ராமகிருஷ்ணன் மற்றும் சாரு நிவேதிதா குறிப்பிடத்தகுந்தவர்கள். இவர்களின் முன்னோடியாய் உலக இலக்கியம் பேசியவர் கா நா சுப்ரமணியம். மொழிபெயர்ப்பு மூலம் இந்திய இலக்கியங்களைத் தமிழுக்கு அறிமுகம் செய்து வரும் குறிஞ்சி வேளாண், சுகுமாரன் மற்றும் ஷைலஜாவும் மிகவும் பாராட்டுக்கு உரியவர்.

தீவிர வாசிப்புக்கு உரிய இலக்கியம் மற்றும் நவீன இலக்கியம் இவற்றை சிறு பத்திரிக்கை வழி நமக்கு கொண்டு சேர்த்த சிசு. செல்லப்பா மற்றும் சுந்தர ராமசாமி ஆகியோர் என்றும் நினைவில் நிற்பார்கள்.

இந்த ஆளுமைகள் படைப்பு எல்லாவற்றையும் படியுங்கள் என்பதல்ல இந்த இடத்தில் நாம் இவர்களை நினைவு கூருவது. தீவிரமான வீச்சுள்ள செறிவுள்ள படைப்புக்களை நாம் வாசிக்க இவர்கள் வழி வகுத்தார்கள். புனைவு அபுனைவு இவை நமக்கு வாழ்க்கையின் புதிய சாளரங்களைத் திறக்கின்றன.

மனித உறவுகளில் நாம் செய்யும் மிகப்பெரிய தவறு நாம் நேசிப்பவரின் மீது ஆதிக்கம் செலுத்தும் அளவு அவர்களைப் புரிந்து கொள்ளும் அனுபவத்தின் வழி மேலும் அழகான பிணைப்புக்குப் போவதில்லை என்பதே.

வாழ்க்கைக்கும் இது பொருந்தும்.

வாசிப்பு மட்டுமே வாழ்க்கையைப் பற்றிய மேலும் அண்மையான புரிதலுக்கு இட்டுச் செல்லும். அது காசால் அளக்க முடியாதது.

பைசாவுக்குப் பிரயோஜனமில்லாதது . ஆனால் மகத்தான சிந்தனை வழி, பரிணாமத்துக்கு இட்டுச் செல்வது.

நிறைவுற்றது.

(image courtesy:behindwoods.com)

 

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in தொடர் கட்டுரை and tagged , , , , , , , , , , , , , , , , , , , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s