(ஆணின்) விருப்ப ஓய்வு தற்கொலையா? பகுதி 7


Related image

(ஆணின்) விருப்ப ஓய்வு தற்கொலையா? பகுதி 7

இன்று 50 வயது கடந்த எந்த ஒரு நபருக்கும் தனது பள்ளிக்கூட மற்றும் கல்லூரி ஆசிரியர்களில் குறைந்த பட்சம் இரண்டு அல்லது அதற்கும் மேற்பட்ட ஒருவர் தனக்கும் தனது நண்பர்களுக்கும் தந்த வழிகாட்டுதல், கல்வியில் அவருக்கு இருந்த அர்ப்பணிப்பு உணர்வு பற்றிய இனிய நினைவுகள் இருக்கும்.

இன்று பள்ளிக் கூடங்கள் தொழில் நுட்பத்தில் நிறையவே முன்னேறி விட்டன. பாடத்திட்டமும் அந்தக் காலத்தை ஒப்பிட மிகவும் முன்னேறி விட்டது. ஆனால் கல்வி நிறுவனங்களில் பணி புரிவோர் அதை ஒரு வேலையாக, சம்பளம் பெரும் ஒரு கடமையாக மட்டுமே கருதுகிறார்கள். தமது வருங்காலத்தை உருவாக்கிக் கொள்ளும் நுழை வாயிலில் நிற்கும் குழந்தைகள் பற்றிய – அவர்களது மன வளர்ச்சி மற்றும் விழுமியங்களை அவர்கள் உள் வாங்கும் அவசியம் – இவற்றைப் பற்றி எல்லாம் அவர்களுக்கு இம்மி அளவும் கவனமில்லை. அக்கறையில்லை. ஏன்? இதை அவர்கள் தமது பணி என அங்கீகரிக்கவே இல்லை.

இந்தப் பின்புலத்தில் தான், நாம் மாணவர்களைக் காண வேண்டும். கடனுக்குக் கத்தி விட்டுப் போகும் ஆசிரியர்கள். மறுபக்கம் திசை தெரியாத குடும்ப உறுப்பினர்கள். திசை தெரியாத என்னும் சொற்களை நான் அவற்றின் முழுப் பொருளில் தான் கூறுகிறேன். ஒரு குழந்தை அல்லது இளைஞன் எந்தத் துறையில் ஆர்வமாயிருக்கிறான் அல்லது என்னென்ன திறன்கள் மற்றும் திறமைகள் அவனிடம் உள்ளது என்னும் அணுகுமுறையே இல்லாத ஒரு குடும்பம்; அவனுக்கு எந்தெந்தத் துறைகளில் என்னென்ன வாய்ப்புக்கள் உள்ளன என ஒரு பெரிய படுதாவை அவன் முன் விரிக்கத் தெரியாத- அதற்காக முனையாத – குடும்பம் ; அவனுக்குத் தன் படிப்பு வேலை இரண்டையுமே தேர்ந்தெடுக்கும் சுதந்திரம் தராத குடும்பம்; ‘மாத சம்பள வேலை தேவையில்லை – நீ விரும்பினால் வணிகமோ தொழிலோ செய்’ என்று தட்டிக் கொடுக்காத குடும்பம் இதை திசை தெரியாத குடும்பம் என்று தானே கூற வேண்டும்?

ஒரு சிந்தனைத் தண்டவாளம் காலங்காலமாக நடுத்தர வர்க்கத்துக்கு ஆகி வந்ததாக, பழகியதாக, என்றும் மாற்ற முடியாத அளவு கடுமையான ஒன்றாக எல்லோரையும் மூச்சு முட்ட வைத்துக் கொண்டிருக்கிறது. புதிய தொழில்கள், புதிய வேலைகள் அல்லது புதிய வணிக மாதிரிகள் எதையுமே ஒரு இளம் ஆணோ பெண்ணோ கையில் எடுக்கவே முடியாது.

பணம் சம்பாதிப்பது மற்றும் பணத்தை செலவழிப்பது என்பது நாம் கற்பனையில் வைத்திருக்கும் அளவு ஒன்றும் சவாலானது அல்ல. ஐந்தாறு வேலைகள் அல்லது தொழில்கள் மட்டுமே இருக்கும் ஒரு பட்டியலை நாம் கையில் வைத்துக் கொண்டு காலங்காலமாக அல்லல் படுகிறோம்.

வேலை அல்லது தொழில் அல்லது வணிக முயற்சியில் பணம் மட்டுமல்ல ஒரு ஆளைத் தாக்குப் பிடிக்க வைப்பது. மன நிறைவு, தன் திறமைகளை வெளிப்படுத்தும் வாய்ப்பு, ஒர் துறையில் முத்திரை பதிக்கும் கர்வம் என நாம் அடுக்கிக் கொண்டே போகலாம்.

அது பணி அல்லது தொழில் அல்லது வணிகம் செய்யும் ஒரு ஆளின் கையில் தான் இருக்கிறது..

அடுத்த பகுதியில்

(image courtesy:loadstar.co.uk)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in தொடர் கட்டுரை and tagged , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s