(ஆணின்) விருப்ப ஓய்வு தற்கொலையா? – பகுதி 9


Image result for happiness images

(ஆணின்) விருப்ப ஓய்வு தற்கொலையா? – பகுதி 9

வாழ்க்கையின் லட்சியம் என்ன ? என்னும் கேள்வியுடன் சென்ற பகுதி முடிந்தது. மிகவும் லட்சியவாதமான, தத்துவார்த்தமான பதிலே அனேகமாக நான் படிப்பவை. உண்மையில் வாழ்க்கையின் லட்சியம் எப்போதும் மகிழ்ச்சியாக இருப்பதே. மிகவும் எளிய பதிலா இது? விழுமியங்களுக்கு முரணான ஒன்றா இது?

ஒருவர் மகிழ்ச்சியாக இருப்பதும் எப்போதும் மகிழ்ச்சியாக இருப்பதும் எந்தப் புள்ளியில் வேறு படுகிறது? எதிர்மறையான மகிழ்ச்சி என்னும் புள்ளியில். எதிர்மறையான ஒரு மகிழ்ச்சி ஒரு குரூரமான மன எழுச்சியே ஒழிய மகிழ்ச்சி என்னும் தகுதியில் வராது. ஒருவரைக் காயப்படுத்தி, புண்படுத்தி, அவமானப்படுத்தி, மற்றொருவர் பொருளை அபகரித்து, சுயநலமான – போலி கௌரவம் போற்றும் ஒரு கூட்டத்தின் கைத்தட்டலில் மயங்கி, பிறரைத் தாழ்த்தித் தன்னை மேம்படுத்தி இப்படி அடுக்கிக் கொண்டே போகலாம். இவை எல்லாவற்றுக்கும் இணையாகவே ஒரு எதிர்மறை மன எழுச்சியும் உண்டு. அது வாய்ப்புக்களைப் பயன்படுத்திக் கொண்டதில் உள்ள தற்காலிக திருப்தி. இந்த வகை எழுச்சிகள் நீர்க்குமிழிகள் போலத் தற்காலிகமானவை மட்டுமல்ல. உண்மையில் நீர்க்குமிழிப் போலக் காலாவதியாகும் போது ஒரு கசப்பை விட்டுச் செல்பவை. இந்தக் கசப்பு இல்லாத ஒரு மகிழ்ச்சி, மன நிறைவும், சுதந்திர சிந்தனையும் உள்ள நேர்மறையான மகிழ்ச்சியாகும்.

பிறருக்கு ஊறு இல்லாததும், தன் இயல்புக்கும் பொருத்தமான ஒரு அன்றாட வாழ்க்கை முறை மற்றும் நீண்ட கால வாழ்க்கைத் திட்டம் என்பது தன் பற்றிய முடிவுகளைத் தானே எடுக்கும் சுதந்திரத்தில் மட்டுமே இருப்பது. நிரந்தரமான மகிழ்ச்சிக்குக் கட்டாயம் இந்த சுதந்திரமும் மற்றும் பிறர் நலனை பாதிக்காத விழுமியம் இரண்டுமே வேண்டும்.

நேர்மையான வழியில் பொருள் ஈட்டுவதற்கு அந்தத் தொழில் அல்லது வேலையைத் தேர்ந்தெடுப்பதற்கு ஒருவருக்கு சுதந்திரம் இருக்க வேண்டும்.

குடும்பம் மற்றும் சமூகம் ஒரு ஆணின் இந்த உரிமையில் மிகவும் குரூராமாகக் கைவைக்கிறது. (பெண்கள் இதை ஒரு உரிமையாகக் கருதினால் அவர்களையும் சேர்த்துக் கொள்ளலாம்.) . விளைவு ஒரு ஆணுக்கு வாழ்க்கை மிகவும் ரசனையற்ற ஒன்றாக, தன் சம்பந்தமே இல்லாத ஒன்றாக ஆகி விடுகிறது. மது போன்ற ஒரு போதை ஒன்றினால் மட்டுமே அவர் இதை சரிகட்டிக் கொண்டு மேலே செல்ல வேண்டியிருக்கிறது.

வாழ்க்கையின் லட்சியம் பிறரை மகிழ்விப்பது என்று பெரிய கட்டிடம் கட்டுவார்கள். நாம் பிறரைக் குரூரமாக நசுக்காமல் இருந்தால் மட்டுமே போதும். பிறரை மகிழ்விக்கிறேன் அல்லது பாதுக்காகிறேன் என நாம் செய்வதெல்லாம், கிடைத்தது வாய்ப்பு என்று அவர் விவகாரங்களில் மூக்கை நுழைத்து, அவரால் என்றுமே சரி செய்ய முடியாத அளவு ஏடாகூடமாக அவர் வாழ்க்கையில் குழப்பங்களை உண்டு பண்ணுவதே.

வாழ்க்கை என்பது முற்றிலும் ஒருவரின் தனிப்பட்ட ஒன்றேயாகும். சமூகத்துடன் நாம் வெட்டிக் கொள்ளும் புள்ளியில் மட்டுமே நாம் பிறரை மதித்து, அவர்களின் உணர்வுகளுக்கு மதிப்பளித்து இதையெல்லாம் செய்யப் போகிறோம். ஆனால் இந்தப் புள்ளி வாழ்க்கையின் மையப் புள்ளி அல்ல.

மகிழ்ச்சி என்பது பணத்தால், பணத்தைப் பார்த்து, பணத்தை செலவழித்துக் கிடைக்கும் ஒன்று என்பது மிகவும் மலினமான, நீர்க்கடிப்பட்ட, மேலோட்டமான விளங்கிக் கொள்ளுதலாகும்.

தனது துறையில், தனக்கு ஆர்வமுள்ள துறையில் ஒருவர் முன் செல்லும் ஒவ்வொரு அடியும், மற்றும் தனக்குப் பிடித்ததில் ஆழ்ந்து ஒருவர் செலவழிக்கும் ஒவ்வொரு நொடியும் பணத்தால் அளவிட முடியாததே.

பணத்தை ஈட்டுவது முக்கியம். அது சுயமரியாதையைப் பாதுகாக்கும். சந்தேகமே இல்லை. நாம் அந்த அளவு தேவையான பணம் மட்டுமே சம்பாதிக்கும் ஒரு ஆணை ஏற்கத் தயாராயிருக்கிறோமா?

ஒரு ஆணுக்கு நாம் வைத்திருக்கும் பிம்பம் என்ன? அடுத்த பகுதியில்………..

(image courtesy:quoteshunter.com)

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in தொடர் கட்டுரை and tagged , , , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s