காஃப்காவின் படைப்புலகம் -2


A first sign of the beginning of understanding is the wish to die. - Franz Kafka

காஃப்காவின் படைப்புலகம் -2

நாம் அடுத்ததாக விமர்சிக்கும் சிறுகதை The Judgement.

கதையின் துவக்கத்தில் ஜார்ஜ் என்னும் இளைஞன், ஒரு ஞாயிற்றுக் கிழமைக் காலை வேளையில், ரஷ்யாவில் உள்ள தனது நண்பனுக்கு ஒரு கடிதம் எழுதுகிறான். அந்தக் கடிதத்தில் அவன் நண்பனுக்குத் தனக்குத் திருமணம் நிச்சயமாகி இருக்கிறது என்னும் விவரத்தைத் தெரியப்படுத்துகிறான். மூன்று வருடங்களுக்கு முன்பு ரஷ்யா சென்ற அந்த நண்பன் ஜார்ஜுக்குக் கடிதங்கள் வழியாக , அவனும் ரஷ்யா வந்து விட்டால் நல்ல லாபத்துடன் தொழில் செய்யலாம் என பரிந்துரைக்கிறான். ஜார்ஜ் தனது தாய் மூன்று ஆண்டுகள் முன்பு இறந்த பின்பே, தனது தந்தை, வியாபார விஷயங்களில் அதிகம் தலையிடாததால், நல்ல லாபம் பார்த்துக் கொண்டிருக்கிறான். அது அந்த நண்பனுக்குத் தெரியாது. திருமணமும் செய்து கொள்ளாமல், நண்பர்களுடன் தொடர்பும் இல்லாமல், தாய் நாட்டுக்கு ஒரு சுற்றுப் பயணமாகவும் வராமல் இருப்பவன் அந்த நண்பன். அவனுக்குத் தனது திருமணம் பற்றித் தெரிவித்தால், அவன் பொறாமையே படுவான் மற்றும் அவன் மிகவும் எதிர்மறையாக ஏதேனும் செய்யவும் கூடும் என்றெல்லாம் ஜார்ஜ் தனக்கு நிச்சயமான பெண்ணிடம் விளக்குகிறான்.

இப்படி இவை அனைத்தும் ஜார்ஜின் நினைவில் மோதிச் சென்ற பிறகு, ஜார்ஜ் தனது அப்பாவின் அறைக்குள் போகிறான். அவரிடம் ‘ஏன் இப்படி இருட்டில் இருக்கிறீர்கள்? என் அறை வெளிச்சமானதே; அங்கே நீங்கள் வரலாம். இப்போதே என் அறையில் , என் படுக்கையில் உங்களைப் படுக்க வைக்கிறேன்’ என்று அவரைக் கைத்தாங்கலாகத் தூக்கிச் செல்கிறான். அதற்கு முன்பே அவன் அவரிடம் அந்த நண்பனுக்குக் கடிதம் எழுதப் போவதை விவரிக்கிறான். அதற்கு அவர் அப்படி அவனுக்கு ஒரு நண்பனே இல்லை என்றும், தன்னை வியாபார விஷயங்களில் ஏமாற்றி, தன்னிச்சையாகச் செயற்படுவது போல , இல்லாத நண்பனைப் பற்றியும் கூறி ஏமாற்றுகிறாயா எனத் துவங்குகிறார். அவர்கள் இருவருக்குள்ளும் ஒரு கசப்பான விவாதம் நடக்கிறது. அதன் இறுதியில், அப்படியே பேச்சை மாற்றி, அந்த நண்பனுக்குத் தானும் கடிதம் எழுதுவதாகவும். அவனுக்கு எல்லாம் தெரியும் என்றும் அவர் கூறுகிறார். அத்தோடு நிற்காமல், அவனுடைய தாய் இறந்து போன துக்கம், தான் அவனால் உதாசீனப் படுத்தப்படுவது மற்றும் அவனின் நண்பன் ரஷ்யாவில் வியாபாரம் செய்வதில் தோல்வி அடைந்தது என துக்கமானவற்றை வரிசைப் படுத்துகிறார். அவற்றையெல்லாம் கவனிக்காமல் தனது நலத்திலேயே கவனாயிருக்கும் சாத்தான்தனமான அவனுக்கு, தண்ணீரில் மூழ்கிச் சாகும் தண்டனையை அவர் தீர்ப்பாக அறிவிக்கிறார். அவன் உடனே வீட்டை விட்டு வெளியே ஓடிச் சென்று, சாலையைக் கடந்து நகரின் ஒரு பொது நீர்த் தடத்துக்குள் குதித்துத் தன் உயிரை மாய்த்துக் கொள்கிறான். இத்துடன் கதை முடிகிறது.

கண்டிப்பாக முதல் வாசிப்பில் என்ன தான் காஃப்கா கூற வருகிறார் என்பது பிடிபடாது. எனவே இந்தக் கதையில், ஒரு கதையில் சரடு அல்லது நிகழ்வுகளின் வரிசையையும் மற்றும் முடிவையும் தேடாமல், நாம் இந்தக் கதையில் நாம் தெள்ளத் தெளிவாகக் காணும் வன்மத்தைக் கொண்டே மேலே விளங்கிக் கொள்ள வேண்டும்.

தந்தைக்கு மகன் மீது திடீரென வந்து விட்ட வன்மம் இல்லை அது. குடும்பம் என்னும் அமைப்பில் உள்ள மூச்சை அடைக்கும் சுதந்திரமின்மையையே அவர் கதையில் மையப் படுத்துகிறார். ஒருவரை ஒருவர் பரஸ்பரம் கண்காணித்து, அடக்கி, அடுத்தவர் மீது பொறாமைப் பட்டு , தன்னிரக்கப் பட்டு, வன்மத்துடன் சபிக்குமளவு போய் விடும் குரூரம் மிகுந்ததே குடும்பம் என்னும் அமைப்பு என்பது கதையின் நுட்பமான பதிவு.

குடும்பம் என்னும் அமைப்புக்குள் சுதந்திரமும் நட்பு முறையான ஒரு உறவும் சாத்தியமா? சாத்தியமே. ஆனால் அப்படி இருக்கிறதா? இன்றும் அது மூச்சு முட்ட வைக்கும் ஒரு சிறையாகவே பெரிதும் இருக்கிறது. இல்லையா?

மேலும் வாசிப்போம்.

Advertisements

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in விமர்சனம் and tagged , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s