காஃப்காவின் படைபுலகம் -9 -Blumfeld an Elderly Bachelor


Image result for kafka quotesகாஃப்காவின் படைபுலகம் -9 -Blumfeld an Elderly Bachelor

காஃப்காவின் படைப்புக்களில் இது மெடமார்ஃபாசிஸுக்கு இணையான செறிவைக் கொண்டது. இதன் நுட்பமான கரு நாம் பணியாளர்களை நம்முள் ஒரு அங்கமாகக் கருதாமல், அவர்களிடமிருந்து தனித்தே இருப்பதில் நமக்கு உள்ள ஒரு பதட்டம் மையப் படுத்தப் பட்டிருக்கிறது. மறுபக்கம் தொழிலாளர்களின் பணிச் சூழல் மற்றும் பணியில் அவர் அடையும் துன்பம் பற்றி நாம் எந்த அளவு வருத்தமோ அல்லது மாற்றம் கொண்டு வரும் எண்ணமோ இல்லாமல் இருக்கிறோம் என்பதைக் கூர்மையாகச் சுட்டிக் காட்டும் கதை இது.

 

 

பிளம்ஃபெல்ட் ஒரு மூப்படையும் பிரம்மச்சாரி. அவன் வசிக்கும் சிறிய வீட்டில் ஒரு நாள் இரு ‘டேபிள் டென்னிஸ் பந்துகள் திடீரெனத் தென்படுகின்றன. அவை இரண்டும் அவனைப் பின் தொடர்கின்றன. அவன் அமர்ந்தால் பின் பக்கம் இருக்கின்றன. நடந்தால் கூடவே பின் தொடர்ந்து வருகின்றன. ஆனால் அவை இரண்டும் குதிக்கும் தன்மை கொண்டவை. அதனால் மரமான தரையின் மீது ‘தொப் தொப் ‘ என அவை ஒலி எழுப்பி விடுகின்றன. தரையின் மீது கம்பளம் விரிக்கப் படும் இடங்களில் அந்தப் பந்துகள் துள்ளுவதின் எரிச்சல் தரும் சத்தம் சற்றே குறைவாக இருக்கிறது. இரவு உறங்கும் முன் இரண்டு விரிப்புக் கம்பளங்களை, ஒன்றின் மீது ஒன்று போட்டே அவன் அவற்றின் சத்தத்தைத் தவிர்க்கிறான். எப்படியும் இரவு முழுதும் உறக்கம் மிகவும் சிதறு பட்டுப் போய்க் காலையில் மிகுந்த கவலையோடு விழித்து எழுகிறான். காலையில் அவனுக்கு இந்தப் பந்துகள் தெருவில் தன் பின்னாலேயே வந்து, அலுவலகம் வரை வந்து விடுமோ என்னும் கவலை அவனை ஆட்டுவிக்கிறது. இறுதியில் தனது உடைகள் வைக்கும் அலமாரியில் உள்ள ஆழ்ந்த பெட்டி போன்ற பகுதியில் அவன் இறங்கிக் கொள்கிறான். பின்னர் அவை அவன் பின்னாடியே வந்து விடாத வண்ணம், வேகமாக வெளியே வந்து கதவை மூடி விடுகிறான். படி இறங்கி இருப்பிடத்தின் பிரதான வாயிலுக்கு வரும் போது தான், வேலைக்காரியின் சிறுவனான மகனிடம் அந்தப் பந்துகளைக் கொடுத்து விட்டால் என்ன என்னும் ஒரு யுக்தி அவன் மனதுள் உதிக்கிறது. அவன் வீட்டு சாவியை, பணிப்பெண்ணிடம் கொடுத்து, அவளது மகனிடம் விவரங்களைச் சொல்ல முயல்கிறான். அந்தச் சிறுவனை விட அவனது சகோதரிகளான இரண்டு சிறுமிகள் இதை மிக எளிதாகப் புரிந்து கொள்கின்றனர். கதையின் முதல் பகுதி இந்த இடத்தில் முடிவடைகிறது.

கதையின் இரண்டாம் பகுதியில் தான் நாம் முதல் பகுதியில் வந்த மாய யதார்த்தமான பந்துகள் படிமமாக யாரைச் சுட்டுகின்றன என்பதை உணர்கிறோம். மையக் கதாப்பாத்திரமான பிளம்ஃபெல்ட் ஒரு நிறுவனத்தில் கணக்காளர். அவனுக்கு உதவியாக இரு இளைஞர்கள் உண்டு. ஆனால் அவனது அறையில் அவர்கள் நிற்க இடம் இல்லை என்பதால் நின்று கொண்டே நாள் முழுவது ஒரு ‘டெஸ்க்’ எனப்படும் அரை மேஜை மட்டுமே அவர்களுக்கு உண்டு. அவர்கள் நாள் முழுவதும் நிற்க முடியாமல் எந்த சாக்குக் கிடைத்தாலும் உள்ளே தொழிற்சாலைக்குள் போக விழைவதும், தமக்குள் ஆற்றாமையாய்ப் பேசிக் கொள்வது பிளம்ஃபெல்டுக்குத் தெரிந்ததே. மிகவும் நுட்பமாக ஒரு பதிவு இந்தப் பகுதியில் உண்டு, நிறுவன உரிமையாளருக்கே பிளம்ஃபெல்ட் தனது பிரிவில் வேலை செய்யும் விதமோ, இத்தனை பணியாளர்களை வைத்திருப்பதோ சரியென்று படவில்லை. அவன் மாற்றங்களை ஏற்காதவன் என்பதாலும், பல ஆண்டுகளாகப் பணி புரிவதாலும் அவர் அவனை விட்டு விலகியே இருக்கிறார். அவன் துறையின் பக்கம் கூட அவர் எட்டிப் பார்ப்பதே இல்லை.

கதையை முடிக்கும் முன் இரண்டு பக்கங்களுக்கு முன்பே அவர் சுட்டிக் காட்டுகிறார். பிளம்ஃபெல்டின் இரண்டு உதவியாளர்களுமே இந்த மாதிரி நின்று கொண்டு கணக்கு எழுதுவதை விடத் துடைப்பம் எடுத்துக் கூட்டுவது மேல் என்றே நினைக்கிறார்கள். ஆனால் துப்புரவுப் பணியாளர்கள் தம் வாய்ப்பை நழுவ விட விரும்பவேயில்லை. ஒரு துடைப்பத்தை வாய் பேச முடியாத, காது கேட்காத துப்புரவுத் தொழிலாளியிடம் இருந்து பிடுங்க முயற்சிக்க, துடைப்பம் பொத்தென்று கீழே விழுகிறது. அந்த இடத்தில் கதை முடிகிறது.

காஃப்கா இந்தக் கதையை எழுதி நூற்றாண்டு கடந்து விட்டது. இன்னும் இந்தக் கதையில் உள்ள் தொழிலாளின் கையறு நிலை, அவலமான பணிச் சூழல் இவற்றுக்கு விடை இல்லை

சம்பளம் மட்டுமல்ல, பணிச்சூழல், அது தரும் வலி இவை எந்தத் தொழிலாளிக்குமே மையமாகின்றன. மேலாளர்கள் முதலாளியின் பிரதிநிதியாகவும் இல்லாமல், தன்னளவில் எந்த நிறைவுமில்லாமல் ஒரு குற்ற உணர்வும் அயற்சியும் உள்ளோராய் பரிதவிப்பது இன்றும் நீடிப்பது.

காஃப்கா மனித உறவுகள் பற்றி நிறைய சிந்தித்தார். கனவு கண்டார்

 

மேலும் வாசிப்போம்.

(image curtesy:brainquote.com)

About தமிழ் எழுத்தாளர் சத்யானந்தன்

Sathyanandhan is a thinker and writer in Tamil for more than a decade. His works have been published in literary magazines like Knaiyazhi. In the web his recent works are in Thinnai.com. His distinction is his ability to creatively write in all genre i.e. Short story, poem, article, novel, criticism and articles on a variety of subjects. He is popular for his works on Ramayanam and Zen published in Thinnai during 2011.
This entry was posted in விமர்சனம் and tagged , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s