இயற்கை விவசாயத்தில் சிக்கிம் சாதனை – விகடன் காணொளி


இயற்கை விவசாயத்தில் சிக்கிம் சாதனை – விகடன் காணொளி

 

Posted in பசுமை | Leave a comment

புங்கன் மரம் – தகவல்கள்


Image | Posted on by | Leave a comment

அழகிய சிங்கருக்குப் பாராட்டு விழா


முப்பத்தோரு ஆண்டுகளாக விருட்சம் இலக்கிய இதழை நடத்தி வரும் அழகிய சிங்கர் மாதந்தோரும் இலக்கியக் கூட்டம் நடத்தி ஒரு எழுத்தாளரைப் பேச வைக்கிறார். நூல் வெளியீட்டிலும் அவர் பங்களிப்பவர். பன்முகத் தன்மை கொண்ட அவருக்கு 20.11.2019 அன்று அடையாறு நூலக வாசகர் வட்டம் நடத்திய பாராட்டு விழாவில் வையவன் மற்றும் நரசய்யா பங்கேற்று பாராட்டிப் பேசினார்கள். அழகிய சிங்கர் பணிக்கு வணக்கம். வாழ்த்துக்கள்.

Posted in Uncategorized | Leave a comment

மரங்களின் காயத்துக்கு மஞ்சள் பத்து- தினமலர் காணொளி


மரங்களின் காயத்துக்கு மஞ்சள் பத்து ராமநாதபுரம் ஏட்டு சுபாஷுக்கு சபாஷ்

Posted in பசுமை | Leave a comment

காடுகளின் இயல்பறியும் கள அனுபவத் திட்டம்


Image | Posted on by | Leave a comment

இளநீர் மட்டைகளில் செடி வளர்க்கலாம்


Image | Posted on by | Leave a comment

தமிழகப் பறவை ஆர்வலர்கள் சந்திப்பு


Image | Posted on by | Tagged , | Leave a comment

ஜீரோ டிகிரி பதிப்பாசிரியர் காயத்ரி நேர்காணல்


maxresdefault

ஷார்ஜா புத்தக் கண்காட்சியில் ஜூரோ டிகிரி பதிப்பாசிரியர் திருமதி காயத்ரியை நல்ல வாசிப்புப் பின்னணி உள்ள ஷார்ஜாவைச் சேர்ந்த திருமதி.ப்ரியா எடுத்துள்ள நேர்காணலுக்கான இணைப்பு ——————————– இது.

தமிழுக்குப் பிற மொழி நூல்கள் மற்றும் பிற மொழிகளுக்குத் தமிழ் நூல்கள் என்னும் கனவை காயத்ரி வைத்திருக்கிறார். மிகவும் நல்ல விஷயம். பாராட்டுக்கும் வரவேற்புக்கும் உரிய பதிப்பகம் ஜூரோ டிகிரி. காயத்ரி இளைஞர். மொழிபெயர்ப்பின் தரம் மற்றும் தர்மம் பற்றி இவருக்கு இருக்கும் தெளிவு அபாரம். மிகவும் அரிய நோக்கு. தமிழ் பதிப்புலகில் நம்பிக்கை தரும் காலத்தில் நாம் இவ்விளைஞர்களால் அடியெடுத்து வைக்கிறோம்.

Posted in காணொளி | Tagged , , , , , | Leave a comment

சரவணன் மாணிக்க வாசகனின் நூறு நூல்கள் பட்டியல்


60568674_2034670556655401_4293691093712633856_n

எனக்குப்பிடித்த நூறு நூல்கள்- (ஒரு ஆசிரியருக்கு ஒன்று-மொழிபெயர்ப்பு, கவிதை நூல்கள் இல்லை- தரவரிசை இல்லை-நினைவிலிருந்து. )

1. மோகமுள்- தி.ஜானகிராமன்
2. அபிதா-லா ச ரா
3. ஜே ஜே சிலகுறிப்புகள்-சுந்தரராமசாமி
4. புதுமைப்பித்தன் கதைகள்- புதுமைப்பித்தன்
5. சிறிது வெளிச்சம்- கு ப ரா
6. மௌனி கதைகள் – மௌனி
7. கு அழகிரிசாமி கதைகள்- கு. அழகிரிசாமி
8. நாகம்மாள்- ஆர். சண்முக சுந்தரம்
9. வாடிவாசல்- சி சு செல்லப்பா
10. பொய்த்தேவு- க நா சு
11. நினைவுப் பாதை- நகுலன்
12. பசித்த மானிடம்- கரிச்சான் குஞ்சு
13. வாசவேஸ்வரம்- கிருத்திகா
14. கடைத்தெருக்கதைகள் – மாதவன்
15. புத்தம் வீடு- ஹெப்சிபா ஜேசுதாசன்
16. பள்ளிகொண்டபுரம்- நீலபத்மநாபன்
17. அசடு- காசியபன்
18. இடைவெளி- சம்பத்
19. புயலிலே ஒரு தோணி- ப சிங்காரம்
20. நித்யகன்னி- எம்.வி. வெங்கட்ராம்
21. காகித மலர்கள்- ஆதவன்
22. கிருஷ்ணா கிருஷ்ணா-இந்திரா பார்த்தசாரதி
23. சிறகுகள் முறியும்- அம்பை
24. எஸ்தர்- வண்ணநிலவன்
25. கலைக்கமுடியாத ஒப்பனைகள்- வண்ணதாசன்
26. நாளை மற்றுமொரு நாளே- ஜி நாகராஜன்
27. அவன் ஆனது- சா கந்தசாமி
28. அரங்கநாதன் கதைகள்- மா அரங்கநாதன்
29. மண்ணாசை- சங்கர்ராம்
30. சார்வாகன் கதைகள்- சார்வாகன்
31. கோபல்ல கிராமம்- கி ராஜநாராயணன்
32. அசோகமித்ரன் கதைகள்- அசோகமித்ரன்
33. கரமுண்டார் வீடு- தஞ்சை பிரகாஷ்
34. முத்துலிங்கம் கதைகள் – அ முத்துலிங்கம்
35. பிச்சமூர்த்தி கதைகள் – .ந பிச்சமூர்த்தி
36. ஒரு ஊரில் இரண்டு மனிதர்கள்- பிரபஞ்சன்.
37. ஒரு மனிதன் ஒரு வீடு ஒரு உலகம்- ஜெயகாந்தன்
38. சிறுகதைகள்- பி எஸ். ராமையா
39. பஞ்சும் பசியும்- தொ மு சிதம்பர ரகுநாதன்
40. நீர்மை- ந முத்துசாமி
41. நீலக்கடல்- கிருஷ்ணன் நம்பி
42. சிறுகதைகள் – சூடாமணி
43. மூங்கில் குருத்து – திலீப் குமார்.
44. சிறுகதைகள் – வல்லிக்கண்ணன்.
45. பிறகு- பூமணி
46. என்பிலதனை வெய்யில் காயும்- நாஞ்சில் நாடன்
47. நதிமூலம்- விட்டல்ராவ்
48. அங்குத்தாய்- சி ஆர் ரவீந்திரன்
49. காடு- பா ஜெயப்பிரகாசம்
50. மதினிமார்கள் கதை- கோணங்கி
51. நெடுங்குருதி- எஸ். ராமகிருஷ்ணன்
52. சிறுகதைகள்- ஜெயமோகன்
53. வெயிலோடு போய்- தமிழ் செல்வன்
54. கிழிசல்கள் – கந்தர்வன்
55. தேர்- இரா முருகன்
56. கரிசல்கள்- பொன்னீலன்
57. கீறல்கள்- ஐசக் அருமைரஜன்
58. அம்மன் நெசவு- சூத்திரதாரி
59. பெருவலி- சுகுமாரன்.
60. மணைமாட்சி- எம். கோபாலகிருஷ்ணன்
61. தாடங்கம்- சத்தியானந்தன்
62. நுண்வெளி கிரகணங்கள்- சு. வேணுகோபால்
63. ஆழி சூழ் உலகு- ஜோ டி குருஷ்
64. கன்னி- பிரான்ஸிஸ் கிருபா
65. வெளியேற்றம்- யுவன் சந்திரசேகர்
66.ரத்த உறவு- யூமா வாசுகி
67.பாட்டியின் சிநேகிதன்- நா விச்வநாதன்
68.அஞ்சலை- கண்மணி குணசேகரன்
69.பார்த்தனீயம்- தமிழ் நதி
70. சுளுந்தீ- முத்துநாகு
71. மெய்யுள்- மு தளையசிங்கம்
72. புலிநகக்கொன்றை- பி ஏ கிருஷ்ணன்
73. கூகை- சோ தர்மன்
74. கருக்கு- பாமா
75. பழையனகழிதலும்- சிவகாமி
76. கொரில்லா- ஷோபா சக்தி
77. கடலோடி- நரசய்யா
78. ஏ கே செட்டியார் படைப்புகள் -முழுத்தொகுப்பு
79. ஆதிரை- சயந்தன்
80. இருபதுவருடங்கள் -எம் எஸ் கல்யாண சுந்தரம்
81. செடல்- இமயம்
82. கணையாயின் கடைசிப்பக்கங்கள்- சுஜாதா
83. மாதொருபாகன்- பெருமாள் முருகன்
84. நினைக்கப்படும் – ஜெயந்தன்
85.ஒரு கடலோடி கிராமத்தின் கதை- தோப்பில் முகம்மது மீரான்
86. மண்ணில் தெரியுது வானம் – ந சிதம்பர சுப்பிரமணியன்
86. உள்ளிருந்து சில குரல்கள்- கோபி கிருஷ்ணன்.
87. ராஜேந்திர சோழன் சிறுகதைகள்- ராஜேந்திர சோழன்
88. ஸீரோ டிகிரி- சாரு நிவேதிதா
89. கவலை- அழகியபெரியநாயகி அம்மாள்
90. மெல்லக் கனவாய் பழங்கதையாய்- பா.விசாலம்
91. சோளகர் தொட்டி -பாலமுருகன்
92. நாடோடித்தடம்- ராஜசுந்தரராஜன்
93. கிருஷ்ணனின் ஆயிரம் நாமங்கள்- போகன்
94. கீதாரி- தமிழ் செல்வி
95. தகப்பன் கொடி- அழகிய பெரியவன்
96.அப்பா- சுப்ரபாரதி மணியன்
97. அட்சரேகை தீர்க்கரேகை- எஸ். சங்கரநாராயணன்
98. ஐந்தவித்தான்- ரமேஷ் பிரேதன்
99. காலங்கள் சாவதில்லை- தெளிவத்தை ஜோசப்
100. ராஜன் மகள்- பா வெங்கடேசன்.

Saravanan manikkavasagam fb page…

இமையம் என்றால் எனக்கு கோவேறு கழுதைகள், இந்திரா பார்த்தசாரதி என்றால் குருதிப்புனல், சுப்ரபாரதி மணியன் என்றால் சாயத்திரை, ஜெயமோகன் என்றால் விஷ்ணுபுரமே நம் நினைவில் முதலில் வரும் இல்லையா? ஆனால் சரவணன் அவர்களின் வேறு நூலையே தேர்வு செய்கிறார்.  மிகவும் விரிவான வாசிப்பு. இதில் பாதிதான் நான் வாசித்திருப்பேன். இவர் வரிசை எண் 61ல் என் தாடங்கம் நூலைக் குறிப்பிட்டது மிகவும் உற்சாகம் தருவது.

Posted in விமர்சனம் | Tagged , , , , , , | Leave a comment

ஆச்சா மரம் -தகவல்கள்


மருத்துவப் பயன்பாடு மற்றும் மரச்சாமான்கள் செய்யப் பயன்படக்கூடிய ஆயிரக்கணக்கான மரவகைகள் காடுகளில் உள்ளன. அவற்றில் பலவற்றை நாம் உபயோகப்படுத்துவதே இல்லை. அப்படி ஒரு வகை மரம்தான் ‘ஆச்சா’ மரம். இதன் ஆங்கிலப் பெயர் ‘ஹார்டுவிக்கியா பினாட்டா’ (Hardwickia Binata). இம்மரத்தை நம்மில் பலர் இன்னமும் அறியாமல் இருக்கக்கூடும். இது மிகவும் வலிமையான மரம். இந்த ஆச்சா மரத்தில்தான் நாதஸ்வரம் செய்யப்படுகிறது. இம்மரத்தைப்பற்றி ராமாயணத்தில்… வாலி வதையின்போது, வாலி தனது உயிரை ஏழு மறா மரங்களில் ஒழித்து வைத்திருந்ததாக எழுதப்பட்டிருக்கிறது. அந்த மறா மரம்தான் ஆச்சா.

இந்த மரத்தின் வைரப்பகுதி கறுஞ்சிவப்பு நிறத்திலிருக்கும். இது தேக்கு மரத்தை விடவும் கடினமானது. இதன் அடர்த்தி மிகவும் அதிகம். நீரில் போட்டால் பாறையைப்போல மூழ்கிவிடும். ஒரு கன மீட்டர் மரத்தின் எடை சுமார் 1,150 கிலோ அளவில் இருக்கும். இவ்வளவு வலிமையாக இருப்பதால், தச்சர்கள் இம்மரத்தை உளி கொண்டு செதுக்குவது கடினம். இப்படிக் கடினமாக இருப்பதால், இதை யாரும் பயன்பாட்டுக்குச் சிபாரிசு செய்வதில்லை. இந்த மரத்தை ‘வேலைக்கு ஆகாது’ என்று ஒதுக்கி விடுகிறார்கள்

எங்க நிலத்துல என்ன போட்டாலும் வரமாட்டேங்குது. மழையில்ல, தண்ணியில்ல, நிலம் பாறையா இருக்கு, மண் செம்புரையா இருக்கு’ என வருத்தப்படும் விவசாயிகளுக்கு, இயற்கை அளித்துள்ள அருள்கொடைதான் ஆச்சா மரம். செம்மண், கரிசல்மண்… என அனைத்து வகையான மண்ணிலும் வளரும் அற்புதமான மரம் இது. மேலும், இம்மரத்தின் இலைகள் கால்நடைகளுக்கு நல்ல தீவனமாக இருப்பதால், விவசாயிகளுக்கு உதவக்கூடிய மரமாகவும் இருக்கிறது. ஆனால், இது குறித்த விழிப்பு உணர்வு நம்மிடையே இல்லை என்பதுதான் வருத்தமான விஷயம்.

கிராமங்களில் உள்ள புறம்போக்கு நிலங்கள், மேய்ச்சல் நிலங்கள் ஆகியவற்றில் ஆச்சா, சவுண்டல் (சூபாபுல்), அகத்தி போன்ற மரங்களை நெருக்கமாக நடவு செய்து… இவற்றின் இலைகளைக் கால்நடைகளுக்குத் தீவனமாகக் கொடுத்துப் பயனடையலாம். இதனால், கால்நடைகளுக்குச் சரிவிகித உணவு கிடைப்பதுடன், தீவனத்துக்கான செலவும் குறையும். புன்செய் நிலங்கள், கற்கள், பாறைகள் நிறைந்த நிலங்களில் வெள்வேல், குடைவேல் மரங்கள் நன்கு வளரும். இதனுடன் ஆச்சா மரங்களையும் நடவு செய்து வளர்க்கலாம். வெள்வேல், குடைவேல் மரங்களின் நெற்றுகள் மற்றும் ஆச்சா மரத்தின் இலைகளை உண்ணும் கால்நடைகளின் வளர்ச்சி நன்றாக இருப்பதுடன், பாலின் அளவும் தரமும் அதிகரிக்கும். பால் பண்ணை வைத்திருப்பவர்கள், தங்கள் நிலத்தின் வரப்போரங்களில் ஆச்சா மரங்களை வளர்க்கலாம்.

இது அற்புதமாக வளரும் மரம். வறண்ட சூழ்நிலையிலும் சிறப்பாக வளரும் தன்மையுடையது. இதன் இலை வளர்ச்சியைவிட,மரத்தின் வளர்ச்சி அபாரமாக இருக்கும். குஜராத் மாநிலத்தில் நடைபெற்ற ஓர் ஆய்வில் வறட்சியைத் தாங்கி வளரும் மரங்களான கருவேல், வாகை, வேம்பு, புங்கன் போன்றவற்றோடு ஆச்சா மரத்தையும் நடவுசெய்து ஆய்வு செய்தார்கள். சோதனை அடிப்படையில் இம்மரங்களைப் பத்து ஆண்டுகள் வரை வளர்த்துப் பார்த்ததில்… மற்ற வகை மரங்களைவிட ஆச்சா மரத்தின் வளர்ச்சி அதிகளவில் இருந்தது தெரியவந்திருக்கிறது. இதன்மூலம் வறட்சியைத் தாங்கி வளரும் மரங்களில் சிறந்த மரம் ஆச்சா என்று முடிவு செய்யப்பட்டுள்ளது.

இதன் மரப்பட்டையிலிருந்து உறிக்கப்படும் நாரை, பதப்படுத்தாமலேயே பயன்படுத்த முடியும். இம்மரக் கட்டைகளைப் பயன்படுத்திக் காகிதம் தயாரிக்க முடியும். இம்மரத்தை நேரடி விதைப்பு, நாற்று நடவு ஆகிய முறைகளில் வளர்க்கலாம் என்றாலும்… நேரடி விதைப்புதான் சிறந்தது. இதன் நெற்றுகளை நீண்ட நாள்கள் வைத்திருந்து நடவு செய்யக் கூடாது. உடனடியாக விதை நேர்த்திசெய்து விதைத்துவிட வேண்டும். வரவிருப்பது மழைக்காலம் என்பதால், அதிகளவில் ஆச்சா மரங்களை நடவு செய்தால், எதிர்காலத்தில் நல்ல பயன் கிடைக்கும்.

மழை மறைவுப் பிரதேசங்களுக்கு ஏற்ற மரம்

ஆச்சா மரம், நீர் தேங்காத அனைத்து இடங்களிலும் வளரும் தன்மையுடையது. மேலும் பாறை இடுக்குகள், இறுகிய மண் வகைகள் ஆகியவற்றிலும் வளரக்கூடியது. திருச்சி மாவட்டத்தில் எம்.ஆர்.பாளையம், பாடலூர் ஆகிய பகுதிகளில் வனத்துறை சார்பாக நடவு செய்யப்பட்ட ஆச்சா மரங்கள், தற்போது நன்றாக வளர்ந்து நிற்கின்றன. 300 மில்லிமீட்டர் வரை மழையளவு உள்ள பகுதிகளில் செழிப்பாகவும், 600 மில்லி மீட்டர் வரை மழையளவு உள்ள இடங்களில் மிகவும் செழிப்பாகவும் ஆச்சா மரம் வளரும். மழை மறைவுப் பிரதேசங்களுக்கும் ஆச்சா ஏற்ற மரம்.

இதன் கன்றை நடவு செய்ததிலிருந்து மூன்று ஆண்டுகள் வரை, வேர் வளர்ச்சி இருக்கும். வேர் வளரும் காலங்களில் செடியின் வளர்ச்சிக் குறைவாகத்தான் இருக்கும். நான்காம் ஆண்டிலிருந்து மரத்தின் வளர்ச்சி அபாரமாக இருக்கும். வறட்சிக் காலங்களில் இதன் இலைகள் உதிர்ந்திருந்தாலும், தண்டின் வளர்ச்சிச் சிறப்பாக இருக்கும்.

பத்து அடி இடைவெளியில் ஆச்சா கன்றுகளை நடவு செய்தால், சர்வ சாதாரணமாக 70 அடி முதல் 80 அடி உயரம் வரை வளரும். இது நீண்ட நாள்கள் வளரக்கூடிய மரம். இசைக் கருவிகள், ரயில் தண்டவாளங்களில் பதிக்கப்படும் கட்டைகள், சுரங்கங்களின் தூண்கள், உத்திரங்கள், கடைசல்கள், பொம்மைகள் ஆகியவற்றைத் தயாரிக்க ஆச்சா மரக்கட்டைகள் பயன்படுகின்றன.

Posted in பசுமை | Leave a comment