புது பஸ்டாண்ட் நாவல்- எண் 376&377 புத்தகக் கண்காட்சி 2020


new bus stand

அரங்க எண் 376 & 377 ஜூரோ டிகிரி பப்ளிஷிங் பதிப்பகத்தார் வெளியிட்டிருக்கும் புது பஸ்டாண்ட் நாவல் தமிழில் இது வரை தொடப்படாத கருவைக் கொண்ட நவீன நாவல். உருவம் உள்ளடக்கம் இரண்டும் புதியவை. கண்காட்சியில் வைத்து என்னை சந்திக்க விரும்புவோர் புத்தகம் வாங்கும் தினத்தில் என்னைத் தொடர்பு கொள்ளுங்கள். கண்டிப்பாக சந்திப்போம்.

sathyanandhan.mail@gmail.com

Posted in நாவல் | Tagged , , , , | Leave a comment

புது பஸ்டாண்ட் நாவல் அமெசானில்


IMG-20191214-WA0016.jpg

சமகாலம், சரித்திர காலம் மற்றும் வருங்காலம் ஆகிய மூன்றும் செறிவுடன் பின்னி நம் சமூகத்தின் அரசு சார்ந்த பிம்பத்தை கலையாய் வடித்துள்ள நாவல் ’புது பஸ்டாண்ட்’. இது அமேசானில் வெளிவந்து விட்டது. அதற்கான இணைப்பு —————இது.

சென்னை புத்தகக் கண்காட்சியில் ஸ்டான் எண்கள் 376 & 377 ஜீரோ டிகிரி பதிப்பகத்தாரிடம் நேரிலும் வாங்கலாம். வாசகர்களின் ஆதரவு எனக்கு ஊக்கமளிக்கும் . நன்றி.

 

 

 

Posted in நாவல் | Tagged , , , , , , , , , , , | Leave a comment

போடி மாலன் சிறுகதைப் போட்டியில் பரிசு பெற்றது ‘தப்புதான்’


போடி மாலன் நினைவு சிறுகதைப் போட்டி முடிவுகள் – 2019

முதல் பரிசு – வியாபாரிகள் – அரும்பாவூர் இ.தாஹிர் பாட்சா
இரண்டாம் பரிசு : தப்பு தான் – சத்யானந்தன், சென்னை.
மூன்றாம் பரிசு – நில் – முத்துச்செல்வன்

கூடுதல் பரிசுகள்:
================
1. தேசவிரோதியின் மிஞ்சிய குறிப்புகள் – அ.கரீம், கோவை
2. அவள் ஒரு பூங்கொத்து – தேவகி கருணாகரன், ஆஸ்திரேலியா.

சான்றிதழ் பெறும் கதைகள்:
====================
1. தாய்க்கோழி – சோ.சுப்புராஜ், சென்னை.
2. விவசாயி கனவு – பா. ஏகரசி தினேஷ், திருச்சி
3. மனசு – தங்கேஸ், சின்னமனூர்.
4. கடவுளின் சாயல் – ஐ.கிருத்திகா, திருச்சி.

தமிழ்நாடு முற்போக்கு எழுத்தாளர் கலைஞர்கள் சங்கம்,
தேனி மாவட்டக்குழு.

போடி மாலன் நினைவு சிறுகதைப் போட்டியில் இரண்டாம் பரிசை வென்றுள்ளது எனது ‘தப்புதான் ’ என்னும் சிறுகதை. திருநங்கையினர் நலம் தொடர்பான ஒரு தன்னார்வக் குழு சென்ற வருடம் மத்தியில் ஒரு சிறுகதைப் போட்டி வைத்தார்கள். அதற்கு ‘வாடாத நீலத் தாமரைகள்’ மற்றும் ‘தப்புதான்’என இரு சிறுகதைகளை அனுப்பி இருந்தேன். இரண்டு கதைகளும் அவர்கள் தேர்வில் வெல்லவில்லை. ஆனால் தப்புதான் கதையை அப்படியே விட்டுவிட முடியாது இல்லையா? எனவே அதன் பின் வந்த இவர்களது அறிவிப்பைப் பார்த்து அனுப்பினேன். எனக்கு மன நிறைவு தந்த கதை.
அன்பு வாசகர்களே! தப்புதான் கதையை நான் ஏன் இங்கே வெளியிடவில்லை? அந்த அமைப்பினர் வெளியிடும் போது நீங்கள் விலை கொடுத்து வாசிக்க வேண்டும். என் படைப்புகளை சமீபகாலமாக நான் இந்தத் தளத்தில் வெளியிடாததற்குக் காரணம்  நீங்கள் என் புத்தகங்களைப் பதிக்கும் பதிப்பகத்தாருக்கு, புத்தகத்தை விலை கொடுத்து வாங்கி ஊக்கம் தாருங்கள். தமிழ்நாடு முற்போக்கு எழுத்தாளர் கலைஞர்கள் சங்கம் அமைப்பினருக்கு என் நன்றி.
Posted in சிறுகதை | Tagged , , , | Leave a comment

தேனீ இலக்கிய மேடை விருதை ஏற்றேன்


IMG-20191229-WA0048

தமிழ்நாடு முற்போக்கு கலை இலக்கிய மேடை விருதுகள் 2019 விழா 29.12.2019 தேனீயில் நடைபெற்றது. அதன் நிறுவனர் விசாகன், பொதுச்  செயலாளர் அம்பிகா மற்றும் தலைவர் ரகு ஆகியோர் இதை ஏற்பாடு செய்திருந்தார்கள். அவர்களுக்கு என் நன்றி. பேசிய அனைவரின் குரலும் குடியுரிமை சட்டத்துக்குக் கடும் கண்டனத்தை எதிரொலித்தது. ஜன நாயகத்தைத் தவறாகப் பயன்படுத்தி என்ன வேண்டுமானாலும் செய்யலாம் என்னும் நிலை ஒரு நாள் மாறும் என்னும் நம்பிக்கையை அவர்களின் எழுச்சி வெளிப்படுத்தியது. நான் தீவிரமாக செயற்படுவது இலக்கியப் படைப்பாக்கத்தில் மட்டுமே. களத்தில் உள்ளோருக்கு நான்  ஆதரவு தெரிவிப்பதை தனியாகவும் பதிவுகளிலும் செய்து வருகிறேன். ஆனால் என் கவலை ஒன்று இருக்கிறது. இலக்கியவாதிக்குத் தன் கொள்கை சார்புக்கு உரிமை உண்டு. மறுபக்கம் புனைவு என்பது கொள்கையின் எதிரொலியாகக் குறுகி விட முடியாதது. அப்படிக் குறுகினால் அது பிரச்சாரமாகவே  நின்று விடும். கலை தனது நுட்பமான தொனியில் வெளிப்படுத்தும் அதிர்வு காலத்தை வென்று நிற்கும். ஆனால் அது ஒரு குறிப்பிட்ட நடப்பின் பிரதிபலிப்பாக இருக்காமல் சுதந்திர சிந்தனையின் நீர்க்காத நெருப்பாய் என்றும் கனன்ற படி இருக்கும்.

விருதுகள் பற்றி எனக்குக் கடுமையான விமர்சனங்கள் உண்டு. அதனாலேயே கடந்த இருபது ஆண்டுகளாக நான் விருதுகளை விட்டு விலகியே இருந்தேன். ஓரு முறை பணிவுடன் மறுக்கவும் செய்தேன். விருதுகள் ஒரு படைப்பாளி அல்லது அவரது படைப்புக்களுக்கு தர உத்திரவாதச் சான்றிதழ்கள் ஆகா. அப்படி ஒரு சான்றிதழ் தேவைப் படாமல் நிமிர்ந்து நிற்கும் அசலான ஒரு பிரதி.

சமீப காலமாக எனக்குள் ஒரு மனமாற்றம் ஏற்பட்டுள்ளது. முன்னெல்லாம் இலக்கிய அமர்வுகள், விவாதக் கூட்டங்கள் நிஜவெளியில் நிகழ்ந்தன. இப்போது அவை மின்னணு வெளி அதாவது சமூக ஊடகங்கள் வழி நிகழ்கின்றன. இன்று ஒரு அமைப்பு தரும் விருது ஒரு கூடுதல் மற்றும் கௌரவிப்பு மையமானவை. கிட்டத்தட்ட ஒரு அறிவார்ந்த ‘பார்ட்டி’ அளவே. ஆனால் அவையேனும் நிகழட்டுமே. விருதுக்குழுவாவது வாசிக்கட்டுமே. ஒரு நூலை மேலெடுக்க இது மற்றுமொரு கதவு. ஒரு கௌரவத்தை நான் நிராகரிக்காது பங்கு பெறும்போது ஒரு அறிவார்ந்த சமூக உறவை நானும் மேலெடுக்கிறேன்.

பிரதிகள் பற்றிய விமர்சனம் மற்றும் விவாதம் மற்றும் மதிப்புரைகள் மட்டுமே இந்த விழாக்களின் இலக்கியச் செறிவை உறுதி செய்யும். இல்லை இவை சிந்தனையாளர்களின் ‘பார்ட்டி’ போல நின்று விடும்.

2016க்குப் பின் அச்சு ஊடகத்தில் எழுதத் துவங்கினேன். 2019லிருந்து எந்த அளவு இயலுமோ இலக்கியக் கூட்டங்களி கலந்து கொள்கிறேன். மதுரையில் ஒரு நாள் யுவன் படைப்புகள் பற்றிய கருத்தரங்கில் கலந்து கொண்டதும், நேற்று தேனீ விழாவில் கலந்து கொண்டதும் தோழமை உணர்விலேயே.

 

 

 

 

 

 

 

 

 

 

 

 

Posted in விமர்சனம் | Tagged , , , , , | Leave a comment

சோ தர்மனுக்கு சாகித்ய அகாதமி விருது


1576679746756

சூல் நாவலுக்காக சோ தர்மனுக்கு சாகித்ய அகாதமி விருது வழங்கப் படுகிறது. அவரது எழுத்துக்கள் விளிம்பு நிலை மக்கள் மற்றும் தலித்துக்களின் வாழ்க்கைப் போரை யதார்த்தமாய் சித்தரிப்பவை. அவரை நான் டெல்லியில் வைத்து ஒரு முறை சந்தித்திருக்கிறேன். அவருக்கு என் வாழ்த்துக்கள்.

Posted in Uncategorized | Leave a comment

எனது நாவல் ‘புது பஸ்டாண்ட்’ சென்னை புத்தகக் கண்காட்சியில்


new bus stand

Image | Posted on by | Tagged , , , , , , , ,

மாயா இலக்கிய வட்டம்- காணொளியில் என் சிறுகதை பற்றி


சிங்கப்பூரின் மாயா இலக்கிய வட்ட சந்திப்பில் எழுத்தாளர் வித்யா எனது சிறுகதைத் தொகுதி ’தோல்பை’யின் முதல் கதையான வாள் சிறுகதையை விமர்சித்துள்ளார். அவருக்கும் அமைப்புக்கும் என் நன்றி. காணொளிக்கான இணைப்பு மேலே உள்ளது.

Posted in காணொளி, விமர்சனம் | Tagged , , | Leave a comment

சாதனம் – சிறுகதை -பதாகை இணையத்தில்


சாதனம் என்னும் என்னுடைய சிறுகதை பதாகை இணைய தளத்தில் வெளியாகி உள்ளது. அவர்களுக்கு என் நன்றி. கதைக்கான இணைப்பு ————- இது.

Posted in சிறுகதை | Tagged , , , , | Leave a comment

Videoவிதையே தேவையில்லை; இலை மட்டுமே போதும்


விதையே தேவையில்லை; இலை மட்டுமே போதும் – மரம் வளர்ப்பில் வியக்க வைக்கும் கோயம்புத்தூர் விவசாயி

Posted in பசுமை | Leave a comment

சென்னையில் உருவாகும் மியாவாக்கி காடுகள்


Chennai miyaki forests

Posted in Uncategorized | Leave a comment