ஒரு லட்சம் மரங்களுக்கு மேல் நட்ட யோகநாதன்


கடந்த 28 வருடங்களாக 32 மாவடங்களிலும் ஒரு லட்சம் மரங்களுக்கு மேல் நட்ட யோகநாதன் பற்றிய காணொளி. மிகவும் பாராட்ட வேண்டிய சாதனை.

Posted in காணொளி | Tagged , , , | Leave a comment

திருப்பூர் வெற்றி அமைப்பின் பசுமைச் சாதனை – வாழ்த்துக்கள்.


Image result for திருப்பூர் வெற்றி அமைப்பு

வெற்றி அமைப்பின் இந்தச் செய்தியைப் பகிர்ந்த நனை நண்பர்களுக்கு நன்றி.

துவங்குகிறது வனத்துக்குள் திருப்பூர் -5

ஒரு லட்சம் மரங்கள் நட்டு இரண்டு வருடம் பராமரிப்பு என்றளவில் துவங்கிய வெற்றி அமைப்பின் திட்டம் வனத்துக்குள் திருப்பூர், முதல் வருடம் 1 லட்சத்து 35 ஆயிரம் என்று இலக்கையும் தாண்டியது, தொடர்ந்து கொடையார்களின் பங்களிப்பும், தன்னார்வலர்களின் ஆர்வமும் அடுத்த வருடமும் திட்டத்தை தொடர செய்தது, இரண்டு லட்சம் மரங்கள் என களமிறங்கி 2 .25 லட்சம் மரங்கள் என்று இலக்கை தாண்டியது. கன்றுகளின் வளர்ச்சியையும் , பராமரிப்பையும், மரம் வளர்ப்பின் முக்கியத்துவத்தையும் உணர்ந்த கொடையாளர்களின் தொடர் ஆதரவு இதுவரை திருப்பூர் மாவட்டம் முழுவதும் 6 .67 லட்சம் மரக்கன்றுகள் நடப்பட்டு 90 % மரக்கன்றுகள் நன்றாக வளர்ந்துள்ளது. முதல் வருடம் நடப்பட்ட கன்றுகள் இன்று 20 அடிக்கும் உயரமான மரங்களாக வளர்ந்துள்ளன.

மரம் நடுவதை ஒரு வேள்வியாக கொண்டு இயங்க துவங்கியதால் படிப்படியாக பல்வேறு நடைமுறை சிக்கல், செலவீனங்களை குறைத்தல், பிரத்தியேகமான நாற்று பண்ணை, குறைந்த தண்ணீர் செலவில் மரம் வளர்த்தல் என ஒவ்வொரு நாளும் எங்களை நாங்களே தகவமைத்துக்கொண்டு பயணிக்கின்றோம்.

இந்த வருடம் நடுவதற்காக 1 .50 லட்சம் நாற்றுகள் பண்ணையில் தயாராகிக்கொண்டிருக்கின்றது. இதற்கான வேலைகள் 2 வாரங்களுக்கு முன்னர் இயற்கை பேராற்றலை வணங்கி துவக்கியுள்ளோம்.

2020 ம் ஆண்டுக்குள் திருப்பூர் மாவட்டம் முழுவதும் 10 லட்சம் மரங்கள் என்பது இலக்கு.

தொடர்ந்து பயணிப்போம் அனைவரின் பேராதரவுடன் , வாழத்தகுந்த பூமியை சந்ததிகளுக்கு விட்டு செல்ல.

Posted in நாட் குறிப்பு | Tagged , , , , | Leave a comment

பெண்ணடிமையின் பிறப்பிடம் மதங்கள் – பால் சக்காரியா


Image result for Paul zacharia malayalam writer images

பெண்ணடிமையின் பிறப்பிடம் மதங்கள் – பால் சக்காரியா
தீராநதி மே 2019 இதழில் பால் சக்காரியாவுடன் மலர்வதியின் நேர்காணல் வாசிக்கக் கிடைத்தது. தமிழ் நாட்டுப் பெண்களை ஒப்பிட கேரளப் பெண்கள் சுதந்திரம் குறைவானவர்கள். மூன்று மதங்களுமே காரணம் என்கிறார் சக்காரியா. சுமார் 7 வருடங்களுக்கு முன் மதங்களே பெண்ணடிமைத்தனத்தை மேலெடுக்கின்றன என்னும் தொனியில் நான் ஒரு கட்டுரையை திண்ணை இணைய தளத்துக்கு அனுப்பி இருந்தேன். ஆசிரியர் குழு திட்டவட்டமாக இது அடிப்படையற்றது என அந்தக் கட்டுரையை தளத்தில் பிரசுரிக்கவில்லை. அவர்கள் கருத்தை நான் நிராகரிக்கவுமில்லை. சிந்தனையில் அதை அலசிக் கொண்டிருந்தேன். மற்றும் இதை நிறுவுவது சாத்தியமா என்பதையும். சக்காரியா தம் கருத்தாகவே இதைக் கூறுகிறார். நேர்காணலில் மற்றொன்றை அவர் திட்டவட்டமாகக் கூறுகிறார். படைப்பாளியின் சாதி/மதம் இவற்றை அலசுவது, தூக்கிப் பிடிப்பது படைப்புக்கு எதிரான செயல் என்னும் கருத்தே அது. அவருடைய படைப்புகள் பலவற்றிலும் கிறித்துவம் மற்றும் ஏசு பற்றிய புனைவுகள் சர்ச்சைக்கு உள்ளாயின. அவற்றை அவர் பைபிள் அடிப்படையிலானவை என்று கூறி படைப்புச் சுதந்திரத்தை நிலை நாட்டுகிறார். கேரளாவில் படைப்பாளிக்கு உள்ள அங்கீகாரம் மற்றும் வரவேற்பு பற்றியும் தெரிந்து கொள்கிறோம்.

சக்காரியாவின் படைப்புகள் நவீனத்துவத்தில் முன்னுதாரணம் ஆனவை. அவரது பல படைப்புகளை ஜெயஸ்ரீ மொழிபெயர்த்துள்ளார். சுந்தரராமசாமி, அசோகமித்திரன் மற்றும் ஜெயமோகனுடனான நட்பையும் பால் சக்காரியா நினைவு கூருகிறார். விரிவான கூர்மையான பதில்களாலான நேர்காணல்.
(image courtesy:rediff.com)

Posted in விமர்சனம் | 2 Comments

சூரியசக்திவழி பாலைவனத்தில் குடிநீர் உற்பத்தி -காணொளி


 

Posted in காணொளி | Tagged , , , | Leave a comment

குழாய்களைத் தேடிச் செப்பனிட்டு நீர் வீணாகாமற் காக்கும் ஆபித் ஸூர்த்தி


குழாய்களைத் தேடிச் செப்பனிட்டு நீர் வீணாகாமற் காக்கும் ஆபித் ஸூர்த்தி
இலவசமாக ஒழுகும் குழாய்களை வீடுவீடாய்த் தேடிச் சென்று செப்பனிட்டு, நீர் வீணாவதைக் காக்கும் ஆபித் ஸுர்த்தியின் பணி ஒப்பற்றது. வணங்கி வாழ்த்துகிறேன். பகிர்ந்த நண்பர்களுக்கு நன்றி.

Posted in காணொளி | Tagged , , | Leave a comment

கவிஞர் பாரதி மூர்த்தியப்பனின் இரண்டு கவிதைகள்


கவிஞர் பாரதி மூர்த்தியப்பனின் இரண்டு கவிதைகள்

பாரதி மூர்த்தியப்பனின் கவிதைகள் மற்றும் இணைய தளம் வெகு தாமதமாகவே என் கவனத்துக்கு வந்தவை. அவரின் இரண்டு கவிதைகளை விமர்சிக்க நினைக்கிறேன். முதல் கவிதை ‘ஒரே நேர் கோட்டில் அல்ல’. அதற்கான இணைப்பு ————- இது. இந்தக் கவிதையில் என்னை மிகவும் கவர்ந்தது நேரடியான மொழியில், எளிய சொற்களில் அவர் சற்றே கனமான ஒன்றைப் பதிவு செய்திருக்கிறார். இந்தக் கவிதை இரண்டு தளங்களில் இயங்குகிறது. ஒன்று ஆண்-பெண் உறவில் உள்ள அதிகாரப் பகிர்வுகள், சமரசங்கள் மற்றும் நிழல் யுத்தம். இதற்கு இணையான கனம் கொண்ட விஷயம் சமூக மிருகம் என மனிதன் அழைக்கப் படுவதன் உட்பொருள். வன்முறை அல்லது கட்டுக்கடங்காப் போக்கு இவை மட்டுமா நம்மால் மிருகத் தன்மை என்று காணப் படும்? உண்மையில் நம் தரப்பை, நம் மனதை, நம் சொரணை காயப் படுதலை முற்றிலும் புறந்தள்ளும் குருட்டாந்தனமான போக்கை நாம் அதிகமும் மிருகத் தன்மையுடையதாகக் காண்கிறோம். இதை நான் எனக்குள் இருந்து தூக்கி எறிந்தேனா? இயலுமா? இல்லை இரண்டாம் – மூன்றாம் நபர் இதைக் கழற்றி வைப்பார் என நான் எதிர்பார்க்க இயலுமா? அவருக்கும் அது சாத்தியமா? இது சற்றே ஆன்மீகத்தில் உயரும் முனைப்பில் கவிதை முன்னகரும் இடம். நல்ல படைப்பு.

இரண்டாவதாக நான் வாசித்தது ‘ நீட்சேயின் வாசகர்கள்’. அதற்கான இணைப்பு ——————– இது.

ஜெர்மானியத் தத்துவ ஞானி நீட்சே இன்றளவும் மனிதனின் தனித்தன்மை மிக்க ரசனை மற்றும் அதன் வழி அவன் பண்பாட்டுடன் பொருந்துதல் பற்றிய பதிவுகளுக்காக விவாதிக்கப் பட்டு வருபவர். அவரது இரண்டு வாசகர்களுமே தமது குருமார்களின் அழிச்சாட்டியமான பிம்பத்துடன் ஒத்துப் போக இயலாமல் குருவை நீங்கியவர்கள். ஏன் நீங்கினார்கள் என்பது மிக அங்கதமாகக் கூறப் பட்டிருக்கிறது. உண்மையில் முதற்கவிதையுடன் ஒப்பிட இது மிகவும் நுட்பமானது. நல்ல சிந்தனையும் அசல் தேடலும் உள்ள பலருமே குரு என்று யாரையேனும் குறிப்பிட்டுத் தமது தரப்பை தாரை வார்த்துவிடுவதைப் பார்க்கிறோம். குரு-சிஷ்ய பரம்பரை என்பது விமர்சனத்துக்கு அப்பாற்பட்ட ஒரு அபத்தம். அது கலைகளுக்கு (பயின் கலைகளுக்கு மட்டும்) ஓரளவு பொருந்தும். தத்துவம் ஆன்மீகம் இவை சுயமான தேடலில் அயராக் கடும் முயற்சியில் வசப் படுபவை. இந்த ஒன்று அவருக்குப் பதிவு செய்ய வேண்டும் எனத் தோன்றியது சற்று வித்தியாசமான பெண் எழுத்தாளர் என்பதையே காட்டுகிறது. கவிதைகளின் பலம் அவை முன்முடிவுகளால் ஊதப் பட்ட ராட்சத பலூங்களைக் கூரான எழுத்தாணிகளால் நையச் செய்யும் வீச்சுடயவை. அந்த வீச்சு உள்ளவர் இவர். வாழ்த்துக்கள்.

 

Posted in விமர்சனம் | Tagged , , , , , | Leave a comment

அழிக்கப்பட்ட அமேசான் காட்டை உயிர்ப்பித்த விஞ்ஞானிகள்


Posted in காணொளி | Leave a comment

27, 28.4.2019 அரியலூரில் நீர் ஆர்வலர்களின் சந்திப்பு


Image | Posted on by | Tagged , , | Leave a comment

28.4.19 அன்று கோவைக் குளம் பாதுகாக்கும் களப்பணி


Image | Posted on by | Tagged , , , | Leave a comment

அணிற்குட்டியை உயிர் பிழைக்க வைத்த மனிதநேயம்


Posted in காணொளி | Leave a comment